افغانستان به له آیرلنډ سره په هند کې سیالۍ وکړي

تاند – د افغانستان د کرکټ د ملي لوبډلې سرروزونکي لالچند راجپوت څرګنده کړه چې هند به راتلونکې میاشت د افغانستان او آیرلنډ ترمنځ د یو لړ مسابقو یا لوبلړۍ کوربه وي.

ښاغلي راجپوت (دیکان کرونیکل) ویبپاڼې ته په مرکه کې وویل«موږ راتلونکې میاشت د هند په ګرېټر نویدا (Greater Noida) لوبغالي کې له آیرلنډ سره ۳ شل اووریزې، ۵ یو ورځینۍ او یوه څلور ورځینۍ سیالي کوو.

د کرکټ نړیوالې شورا په وروستیو کې د هند ګرېټر نویدا لوبغالی د نړیوالو سیالیو لپاره منظور یا تصویب کړ.

په دې سیالیو کې به د ویسټ انډیز پخوانی لوبغاړی فلیپ سیمنز، چې یوه موده د آیرلنډ سرروزونکی و، د افغان ټیم د باولینګ سلاکار وي.

راجپوت وویل «موږ غوښتل چې د سریلانکا پخوانی پېس باولر چمیندا واس زموږ د باولینګ روزونکی وي خو بالاخره مو سیمینز خوښ کړ.»

۴۴ کلن واس په درې ډوله کرکټ سیالیو کې ۷۰۰ ویکټونه اخیستي او د سریلانکا او آیرلنډ له لوبډلو سره یې د باولینګ په برخو کې کار کړی دی.

One thought on “افغانستان به له آیرلنډ سره په هند کې سیالۍ وکړي

ځواب دلته پرېږدئ

ستاسو برېښناليک به نه خپريږي.