د ماشومانو د قد د لوړېدو اسانه لارې

تاند- د ونې یا قد د لوړېدو لپاره نن سبا درمل او هورمونونه هم شته خو ډېر خلک او ډاکتران غوره ګڼي چې د درملو په ځای د خوړو او سپورت له لارې د ماشومانو قد لوړ شي.

د قد لوړوالی په اوس وخت کې زیات اهمیت لري ځکه چې تر موږ زموږ د راتلونکي نسل د انسانانو ونې لوړې دي او د ورپسې نسل قدونه به لا لوړ وي.

د انسان قد تر ډېره ارثي وي خو که ښه او صحي خواړه وکړي او سپورت وکړي بې له شکه چې د قد پر لوړوالي یې زیات اغېز کوي.

که مو پام کړی وي، د پرمختللیو هیوادونو، چې اقتصاد یې ښه دی، د انسانانو قدرونه د دې لپاره تر موږ لوړ دي چې ښه خواړه وررسېږي او سپورت کوي.

په تلویزیونونو، انترنیټ او ورځپاڼو کې د قد د لوړېدو پر درملو باور مه کوئ؛ دا درمل نه یوازې د قد له لوړېدو سره مرسته نه کوي بلکې کېدای شي جانبي عوارض هم ولري.

نو څه باید وکړو چې د اولاد قد مو لوړ شي؟

۱- لکه څرنګه چې پاس ورته اشاره وشوه لومړنی کار مو باید دا وي چې خوړو او سپورت ته پام وکړو. د چیپس، همبرګر، کوک- فانتا، کېک، او کولچو پر ځای سالم خواړه لکه سابه، بینډۍ، تور بانجڼ، فاسولیه، دال، لبنیات، وچه او لنده مېوه ورکړئ.

د پسه، غويي او چرګ غوښه، سویابین او کب هم د پروتین د لرلو له کبله هډوکي پیاوړي کوي او په بدن کې د ودې هورمونونه تحریکوي.

۲- سپورت هم د ماشومانو او هم لویانو لپاره ډېر مهم دی.

له خپل ماشومه وغواړئ چې دېوال ته ودرېږي، لاسونه پورته ونیسي او تر څو چې یې وس وي د پاس خوا ته دې یې کش کړي. د ځان سره کشول د قد پر زیاتېدو ډېر اغېز لري. په عکسونو کې درښودل کېږي چې نور کوم سپورتي حرکتونه ستاسو د ماشوم د قد پر زیاتېدو مثبت اغېز لري.

ټوپ اچول او د پړي لوبه هم د ونې له لوړېدو سره مرسته کوي. د ځان راځوړندول زیات تاثیر لري.

لامبو یو له هغو سپوروتو څخه ده چې بدن پکې سره کېکاږل کېږي.

ډا ویدیو هم درسره وګورئ د قد د لوړېدو ۵ لارې درښيي: