جمعه, مارچ 5, 2021
Home + د ناسا سپوږمکۍ مریخ ته ورسېده

د ناسا سپوږمکۍ مریخ ته ورسېده

تاند(سه شنبه، د حوت ۵) د امریکا فضایي ادارې یا ناسا سپوږمکۍ مریخ ته ورسېده او روباټ یې له دغه سیارې تازه انځورونه رالېږلي دي.

د ناسا دغه سپوږمکۍ له اوو میاشتو راهیسې د مریخ پر لور مزل وکړو چې اوس تازه یې پر دغه سیاره د ښکته کېدو ویډیو د ناسا مرکز ته رالیږلې ده.

ناسا زیاته کړې چې دا یوه تاریخي او نه هیریدونکي شیبه ده.

د ناسا په وینا دا زر کیلوګرامه وزن لرونکی روباټ به په دغه سیاره کې په راتلونکو دوو کلونو کې په بېلو برخو کې پلټنې کوي او هلته به د ژوند پلټنې تر عنوان لاندې ماموریت ترسره کوي.

د ناسا په خبره دوی هڅه کوي د کېندنو او پلټنو له لارې په مریخ کې د ژوند او پخوانیو موجوداتو څرک ولګوي.

دا په نړۍ کې ستر علمي او ساینسي ماموریت بلل کېږي چې ناسا یې د لا ډېرې پراختیا په تمه ده.

د امریکا فضايي اداره یا ناسا له ۱۹۷۰ز کال راهیسې مریخ ته د سفر او په دغه سیاره کې د پلټنو په هڅه کې ده.

تېر کال د امريکا پخواني ولسمشر ډونالډ ټرمپ پر خپله ټویټر پاڼه لیکلي وه چې پر دومره ډيرو مصارفو سربېره ناسا باید یوازې سپوږمۍ ته د تګ خبرې ونه‌کړي، ځکه دا کار امریکا پنځوس کاله مخکې کړی دی.

LEAVE A REPLY

Please enter your comment!
Please enter your name here

- Advertisment -

ادب