دوشنبه, مارچ 8, 2021
Home خبرونه د څارنوالانو او قاضیانو د خوندیتوب لپاره امنیتي طرحه جوړېږي

د څارنوالانو او قاضیانو د خوندیتوب لپاره امنیتي طرحه جوړېږي

تاند (دوشنبه د قوس ۱۷) وروسته له دې چې په پلازمېنه کابل کې یو ځل بیا هدفي وژنې مخ په زیاتېدو دي، د ولسمشر لومړی مرستیال امرالله صالح وايي چې حکومت به په یوه اونۍ کې د څارنوالانو او قاضیانو د خوندیتوب او امنیت لپاره طرحه جوړه کړي.

ښاغلي صالح نن دوشنبه پر خپله فېسبوک پاڼه لیکلي، دغه ګام په کابل ښار کې د یوه څارنوال تر وژل کېدو وروسته اخیستل کېږي.

پرون سهار د کابل د پینځمې امنیتي حوزې اړوند سیمه کې د پامیر په نوم یو څارنوال ووژل شو او تر هغه وروسته د ولسمشرۍ مقام په هدایت نن د څارنوالو د امنیت په اړه د ۰۶:۳۰ بجو په امنيتي غونډه کې خبرې وشوې.

هغه وايي تر یوې اونۍ پورې به له څارنوالانو، ملي امنیت او پولیسو سره د امنیت په اړه سلا مشورې وشي او د څارنوالانو د امنیت لپاره به یوه امنیتي طرحه جوړه شي.

امرالله صالح زیاته کړې، پولیسو د څارنوال پامیر د وژنې په تړاو درې تنه نیولي دي او په خبره یې عیني شاهدانو ورته ویلي چې یوه یې په څارنوال پامیر ډزې کړي دي.

د ولسمشر د لومړي مرستیال په وینا د دغه کس له کور څخه سلا او ځیني نور تجهیزات هم تر لاسه شوي دي.

د یادونې وړ ده چې پرون یکشنبه د پامیر په نوم څارنوال او تر دې وړاندې د جمعې په ورځ یو قاضي په کابل ښار کې ووژل شول.

LEAVE A REPLY

Please enter your comment!
Please enter your name here

- Advertisment -

ادب