Wednesday, November 25, 2020
Home + په اروپا کې په قفس او کوډله کې د چرګانو ساتل منع...

په اروپا کې په قفس او کوډله کې د چرګانو ساتل منع کېږي

تاند (جمعه، د عقرب ۳۰) په یو شمېر اروپايي هیوادونو کې په بندو کوډلو او قفسونو کې د چرګانو پر ساتلو له بندیزه وروسته چک جمهوریت هم اعلان وکړ چې په بند ځای کې د چرګانو ساتل منع کوي.

تر دې وړاندې جرمني، اتریش او لوګزامبورګ دې ته ورته قانون تصویب کړی و.

د چک د کرنې وزیر له دې قانون سره مخالفت کړی او ویلي یې دي چې لومړی باید اروپايي اتحادیه پرېکړه وکړي چې په بند ځای کې د چرګانو ساتل منع دي. د چک د کرنې وزیر فکر کوي چې که دا قانون تصویب شو فارم لرونکي به تاوان وکړي.

خو د دې قانون ملاتړ کوونکي وايي چې په قفس یا بنده کوډله کې د چرګانو ساتل له چرګانو سره بې رحمي ده او که څوک د چرګانو لپاره ځای نه لري، نه دي یې ساتي.

د چک ملي جرګې په قفس او بنده کوډله کې د چرګانو د ساتنې د بندیز لایحه د ۱۰۰ مخالفو رایو په وړاندې په ۱۰۲ موافقو رایو تصویب کړې او اوس ټاکل شوې ده چې د دغه هیواد ولسمشر میلوس زیمان یې توشیح کړي.چرګان

LEAVE A REPLY

Please enter your comment!
Please enter your name here

- Advertisment -

ادب

پښتو لیکدود| پروفیسور عبدالخالق رشید

درشادپوهنې کلنی لکچ :  دعلامه رشاد د پنځلسم تلین په درشل کې  بسی دورباید که چرخ ظفر      بیا رد کسی چون توباردیگر            په دي ورځو...

یو خوب | هیله پسرلی

 د شپې دوه بجې دی. زرغونه خوب ویني: لوی تالار، له خلکو ډک... جګ بوټونه، اوږد کمیس، تکې سرې شونډې، لنډ ویښتان، دا د...

ساعت | لیکواله:صفیه وردګ

میرویس په بل اړخ شو.اسوېلی يې وکیښ. خوب نه ورته.د مخامخ ساعت شوبینۍ وخت ښکاراوه،څه باندې درې بجې وې.له بسترې راپورته شو.لاس يې یوې...

کب/ اجمل پسرلی

د سیند اوبه ولاړې ایسیدې، خو یو نیم خلی چې به باندې راښکاره شو، پوه به شوې چې درومي. ادم لکه همدا اوبه غلی و،...