Wednesday, November 25, 2020
Home خبرونه پامپیو پر طالبانو غږ وکړ چې ژر تر ژره اوربند وکړي

پامپیو پر طالبانو غږ وکړ چې ژر تر ژره اوربند وکړي

تاند(یکشنبه، د قوس ۲) د امریکا د بهرنیو چارو وزیر پرون د قطر په مرکز دوحه کې د افغانستان د دولت او د طالبانو له استازو سره له کتنې وروسته پر طالب مشرانو غږ وکړ چې ژر تر ژره پر اوربند سلا وکړي.

د طالبانو د قطر د دفتر له مشر ملابرادر او د طالبانو د مرکچي پلاوي له نورو غړیو سره د پامپیو له کتنې وروسته د امریکا د بهرنیو چارووزارت ویندوی وویل، مایک پامپیو د ملموس اورکم غوښتنه وکړه او دواړه خواوې یې وهڅولې چې د یوه دایمي اوربند لپاره ژر تر ژره موافقې ته ورسېږي.

د ولسمشر ټرمپ حکومت، چې غواړي له افغانستانه خپل پوځیان ژر وباسي، د دې پرېکړې په خاطر د کانګریس د غړیو له لوري تر فشار لاندې دی. هغوی فکر کوي چې که امریکا د ځواکونو په ایستلو کې له بیړې کار واخلي، طالبان به هیڅکله د افغانستان له حکومت سره د سولې په خبرو کې موافقې ته ونه رسېږي.

امریکايي نظرخاوندان هم وايي چې تر هغو دې پوځیان له افغانستانه نه ایستل کېږي چې طالبانو اوربند او د افغانستان له حکومت سره سیاسي جوړ جاړی نه وي کړی.

پامپیو له افغان دولتي او طالب پلاوو سره د سولې پر ولاړ حالت خبرې وکړې

له پامپیو سره قطر ته د افغانستان د سولې لپاره د امریکا ځانګړی استازی طلمی خلیلزاد تللی و.

دوی ته د افغانستان د مرکچي پلاوي غړیو وویل چې د څه باندې ۵ زره طالب بندیانو له خلاصون سره سره د طالبانو له لوري د تاوتریخوالي دوام نور د منلو نه دی.

LEAVE A REPLY

Please enter your comment!
Please enter your name here

- Advertisment -

ادب

یو خوب | هیله پسرلی

 د شپې دوه بجې دی. زرغونه خوب ویني: لوی تالار، له خلکو ډک... جګ بوټونه، اوږد کمیس، تکې سرې شونډې، لنډ ویښتان، دا د...

ساعت | لیکواله:صفیه وردګ

میرویس په بل اړخ شو.اسوېلی يې وکیښ. خوب نه ورته.د مخامخ ساعت شوبینۍ وخت ښکاراوه،څه باندې درې بجې وې.له بسترې راپورته شو.لاس يې یوې...

کب/ اجمل پسرلی

د سیند اوبه ولاړې ایسیدې، خو یو نیم خلی چې به باندې راښکاره شو، پوه به شوې چې درومي. ادم لکه همدا اوبه غلی و،...

د چاروالې او رغښتوالې توپير او يو نوى اثر | اجمل ښکلى

"ګذار از مقوله و ميزان به دستور نقش ګراى نظام مند هاليدى" د پوهندوى دکتور راحلې حميدزۍ  د دکتورا اثر دى، چې سږکال چاپ...