دوشنبه, جنوري 18, 2021
Home خبرونه ولسي جرګې د صالح او محب په ګډون د امنیتي ادارو مسؤلین...

ولسي جرګې د صالح او محب په ګډون د امنیتي ادارو مسؤلین ځواب ویلو ته ورغوښتي

تاند (چهارشنبه د عقرب ۱۴) ولسي جرګې د نن ورځې په ناسته کې پرېکړه کړې، چې د ولسمشر د لومړي مرستیال امرالله صالح په ګډون د امنیتي ادارو مسؤلین ځواب ویلو ته ورغواړي.

ولسي جرګې ویلي، چې امرالله صالح، د ملي امنیت سلاکار حمدالله محب، د ملي امنیت سرپرست احمد ضیاء سراج، د ملي دفاع وزارت سرپرست اسدالله خالد او د کورنیو چارو وزارت سرپرست مسعود انداربي به دې جرګې ته وروغواړي.

دا پرېکړه نن د ولسي جرګې له لوري په اکثریت رایو تصویب شوې ده او یاد چارواکې یې د راتلونکې شنبې په ورځ دغې جرګې ته ورغوښتي دي.

دغه پرېکړه په کابل پوهنتون د برید وروسته شوې ده.

د وروستیو شمېرو له مخې په دې پېښه کې ۳۵ کسان وژل شوي او ۴۰ نور ټپیان شوي دي.

د ولسي جرګې غړیو په نننۍ ناسته کې په کابل پوهنتون شوي برید ته په اشارې سره ویلي چې امنیتي بنسټونه په خپلو دندو کې پاتې راغلي دي.

امرالله صالح چې د کابل د امنیتي وضعیت د سمون چارو مسؤلیت یې پر غاړه اخیستی دی، دا برید یې د استخباراتو ناکامي بللې ده.

1 COMMENT

  1. لکه چې د ولسي جرګې په غړیو او رئیس د پنجاب وروستي سفر اغیزه کړېده ، دوی غواړي دافغانستان امنیتي ارګانونه فلج او لاس تړلي ټالبانو او پنجاب ته تسلیم کړي. مونږ په جنګي حالت کې یو ، دلته هرڅه فرمایشي دي ، ولسي جرګه خپل فرمایشونه د عادي حالت په څېر مخ ته وړي .
    د ولسي جرګې غړي باید خپل موکلین د هېواد دفاع ته وهڅوي . خپل سربازان او مسلحې قواوي وستایي . هغوي کرار ندي ناست ، زمونږ اتلان هره ورځ د خپلو خلکو د دفاع او ساتنې په لار کې قرباني ورکوي . د دغو اتلانو له کورنیو سره هيچا مرسته ونکړه او وایی چې مړ شو ، نور پړ شو .
    پداسې یوه حساس وخت کې هرې خواته وروروژونکې جګړه روانه ده ، د ولسي جرګې وکیلان خپلو دفاعي مسوولانو ته وخت علني ټاکي او هغوي د خپلو ناروا غوښتنو د نه قبلېدو په انتقام کې ورغواړي او عبث پوښتنې ځینې مطرح کوي .
    وکیلانو پدې کار سره به یې جوړه نکړئ ، لا به نوره هم درنه خرابه شي .

LEAVE A REPLY

Please enter your comment!
Please enter your name here

- Advertisment -

ادب