دوشنبه, جنوري 18, 2021
Home خبرونه ولسمشر غني: علماء دې د امرالله صالح په مشرۍ د کابل په...

ولسمشر غني: علماء دې د امرالله صالح په مشرۍ د کابل په امنیتي ټیم کې برخه واخلي

تاند (شنبه د عقرب ۲۴) ولسمشر محمد اشرف غني د امرالله صالح په مشرۍ د نن سهار د شپږ نیمو بجو غونډې ته ورغلی او د کابل د امنیتي ټیم د کارونو او پرېکړو ملاتړ یې کړی دی.

د ارګ له لوري په خپره شوې خبرپاڼه کې ویل شوي چې ښاغلي غني د کابل امنیتي ټیم ته ډاډ ورکړی چې د زرواکو په فرمایش به د یاد ټیم هېڅ یو غړی هم له دندې لرې نه کړي.

ولسمشر غني ویلي: «زه به تاسې یو هم د زورواکو په فرمایش له دندو لرې نه کړم، د غصب شویو ځمکو بېرته راګرځول مهمه برنامه ده او باید په جدي توګه تعقیب شي،تر هغو چې کابل په اساسي توګه امن نشي، د شپږ نیمو بجو امنیتي ټیم به نور هم تقویه شي، د منابعو له پلوه به د دغه ټیم د پیاوړتیا لپاره ټولې منابعې په کار واچوو.»

ښاغلي غني زیاته کړې که دغه ټیم د موثرو او ذهنیت جوړونکو برنامو لپاره هر وړاندیز لري، هغه به اجرا کېږي.

نوموړي دغه ټیم ته ویلي چې د قانون په تطبیق کې وېره ونه لري او د قانون د پلي کېدو لپاره د دولت له نرم او سخت قوت څخه معقوله استفاده وکړي او قانون ماتونکي د قانون منګولو ته وسپاري.

د ارګ په خبرپاڼه کې دا هم ویل شوي چې ولسمشر غني د امرالله صالح په مشرۍ په یاد امنیتي ټیم کې د علماوو پر اساسي ونډې اخیستلو ټینګار کړی دی.

ولسمشر محمد اشرف غني په خپلو خبرو کې ویلي چې ډېر ژر به د جرایمو طرحه لاسلیک کړي، څو قانون ماتوونکي پوه شي چې د شپږ نیمو بجو ټیم د ټول نظام ملاتړ له ځان سره لري.

1 COMMENT

  1. علما به د اهریمن ناصالح سره بدنامه سی.
    غنی باید د قانون پوهانو په څنګ کی علماوو ته پوره قدرت سپارلی وای. او ددی دوسیو د حل و فصل لپاره یی خاصه استملاکی او املاکی قضایی څانګه ټاکلی وای ترڅو هر څه په اسانه سرته رسیدلی او قانونی شکل یی پیدا کړی وای.

LEAVE A REPLY

Please enter your comment!
Please enter your name here

- Advertisment -

ادب