دوشنبه, جنوري 18, 2021
Home خبرونه ولسمشر غني د پکتيا د ولايتي شورا د مرستيال وژنه وغندله

ولسمشر غني د پکتيا د ولايتي شورا د مرستيال وژنه وغندله

تاند(شنبه، د سنبلې ۲۹) ولسمشر محمد اشرف غني د پکتیا د ولايتي شورا د مرستيال وژنه په کلکو ټکو غندلې او اړوندو ارګانونو ته يې لارښوونه کړې چې د نوموړي د وژنې عاملين تشخيص او د قانون منګولو ته وسپاري.

د ولسمشرۍ ماڼۍ له مطبوعاتي دفتره په خپره شوې خبرپاڼه کې راغلي:

جمهور رئیس د دغه تروریستي برید د سخت غندلو پرمهال اړوندو ارګانونو ته د پېښې د هر اړخیزې ارزونې او د عاملینو د تشخیص او مجازات په اړه لارښوونه وکړه او په ټینګار سره یې وویل، د تروریستانو او جنایتکارو پر وړاندې به زموږ د امنیتي او دفاعي ځواکونو مبارزه ادامه ولري.

ولسمشر غني يو ځل بيا پر طالبانو غږ کړی چې بشري، سراسري او دايمي اوربند ومني، ځکه د هغه په خبره دا د افغانستان د خلکو، حکومت او نړيوالو غوښتنه ده.

د اعلاميې په پای کې ولسمشر غني د ايوب غروال له کورنۍ او دوستانو سره خواخوږي څرګنده کړې.

د پکتيا د ولايتي شورا مرستيال ايوب غروال نن سهار په ګردېز ښار کې پوهنتون پر لاره د نامعلومو وسله‌والو په بريد کې ووژل شو.

1 COMMENT

  1. ولسمشره !
    تشخیص څه مانا لري، خو د همدې طالبانو ترهګرو او ستا د دولت روښانه فساد وژلی دی، نور به څه وکولای شې.. دا تشخیص نه نور تیر شه، په عمل کې د فساد په ضد د خپل دولت په ضد جهاد وکړه، او حکومت اصلاح کړه، که نه نو د داخلي فساد له امله به دې حکومت ړنګ شي، او نه د طالب له امله.. په هغوی خو هسې هم د اطرافو ولایتونو بچي ووژل او وژنې !!

LEAVE A REPLY

Please enter your comment!
Please enter your name here

- Advertisment -

ادب