یکشنبه, جنوري 17, 2021
Home خبرونه هلمند کې د خُرما سوداګریز بڼونه جوړیږي

هلمند کې د خُرما سوداګریز بڼونه جوړیږي

تاند(شنبه، د سنبلې ۱۵) د هلمند ولایت د کرنې ریاست چارواکي وایي، په دغه ولایت کې د خرما ۲۵ جریبه سوداګریز بڼونه جوړوي.

د هلمند د کرنې رییس زلمي الکو وایي، چې په دې ولایت کې د خُرما «کجورو» بڼونو د ترویج په پار سږکال په دې ولایت کې د خُرما ۲۵ جریبه سوداګریز بڼونه او کلیکسیون جوړیږي، په همدې موخه د خُرما بڼونو جوړولو لپاره د ځمکې جوړولو او اماده کولو چارې پیل شوي دي، چې ډیر ژر به پکې رسماً د نیالګیو اېښودلو لړۍ پیل شي.

الکو وایي:

دغه بڼونه په دې ولایت کې د کجورو د بڼونو جوړولو د ترویج او پراختیا په پار جوړیږي، د کرنې وزارت له برنامو څخه یو هم د خُرما ونو پالل، روزل او بڼوالو ته پېژندل دي. دغه وزارت بڼوالو ته د خُرما ونو دکرکېلي لارې چارې ښیي.

خرما تر ډېره په ګرمو سیمو کې وده کوي. هلمند، فراه، کندهار، لغمان او ننګرهار د خُرما پالنې لپاره مناسب اقلیم لري.

1 COMMENT

  1. یره- دا د هلمند د کرنې رئیس هم ډېر مداري دی. وخت پر وخت په هلمند کې د کرهڼې په اړه داسې خبرونه خپروي چې د خلکوتوجه جلب شي. خو په حقیقت کې چې هلمند ته لاړ شې او بیا ددې خبرونو پوښتنه وکړې نو هېڅ نه وي.

    الکو صاحب، لږ د ریښتیا کار وکړئ، هلمند ډېر فرصتونه لري. دغه فرصتونه باید وکارول شي. په تشو خبرو نه کېږي.

LEAVE A REPLY

Please enter your comment!
Please enter your name here

- Advertisment -

ادب