پنجشنبه, جنوري 21, 2021
Home خبرونه اقتصادي خبرونه نن د افغانستان په اړه د جنیوا کنفرانس؛ په سويس کې پیلېږي

نن د افغانستان په اړه د جنیوا کنفرانس؛ په سويس کې پیلېږي

تاند (دوشنبه، دقوس ۳) ټاکل شوې نن په سویس کې د افغانستان په اړه د جنیوا کنفرانس چې، په‌ کې د نږدې ۱۰۰ هېوادونو او نړیوالو سازمانونو استازي ګډون کوي پیل شي.

تمه ده، چې نړیواله ټولنه به د افغانستان د سولې او پراختیا په برخه کې د راتلونکو څلورو کلونو لپاره خپلې مالي مرستې او سیاسي ژمنې تازه او بیا ځلي اعلان کړي.

د مالیې وزارت د مالوماتو له مخې، د افغانستان د بهرنیو چارو وزیر محمد حنیف اتمر او د مالیې وزیر عبدالهادي ارغندیوال د افغانستان په اړه د جنوا په کنفرانس کې د ګډون په موخه پرون سویس ته تللي دي.

په ورته مهال ولسمشرغني به په دې کنفرانس کې په انلاین بڼه ګډون او وینا وکړي.

د ولسمشر غني ویاند صدیق صدیقي وایي، افغان حکومت به په دې غونډه کې د افغانستان د سولې او پراختیا ملي چوکاټ پروګرام وړاندې کړي.

صدیقي په یوه ویډیويي پیغام کې ویلي، د دې پروګرام په رڼا کې به افغانستان د تل پاتې سولې، د خوړو خوندیتوب، له بې وزلۍ سره د مبارزې، پر عایداتي سرچینو پانګونې او له کورونا ویروس سره د مبارزې لپاره خپل څلور کلن پلان وړاندې کړي.

بل لورته د مالیې وزارت مسوولان  وایي، تمه لري، څو نړیواله ټولنه یو وار بیا له افغانستان سره خپلې مرستې اعلان کړي.

LEAVE A REPLY

Please enter your comment!
Please enter your name here

- Advertisment -

ادب