سه شنبه, جنوري 26, 2021
Home خبرونه یو شمېر طالب مشران او قوماناندان د ملابرادر پر سفر نیوکې کوي

یو شمېر طالب مشران او قوماناندان د ملابرادر پر سفر نیوکې کوي

تاند (سې شنبه، د سنبلې ۱۱) طالب سرچینې وايي، د دې ډلې د قطر د دفتر پر مشر ملاعبدالغني برادر پاکستان ته د وروستي سفر له امله نیوکي زیاتې شوي دي.

په کوټه کې د طالبانو سرچینې وایي، ملابرادر پاکستان ته له دې سره سره سفر وکړ چې د قطر د دفتر یو شمېر غړي د دې سفر مخالف وو. د پاکستان استخباراتو د قطر د دفتر ټولو مشرانو ته د الوتکی تکټونه اخیستي او لېږلي وو خو یوازې ملابرادر، ملا خیر الله خیرخواه او مولوی شهاب الدین دلاور پاکستان ته لاړل او پاتې غړو یې د پاکستان له سفره ډده وکړه .

دغه ډله طالب مشران وايي د برادر بې ضرورته او بې مصلحته سفر د پاکستان سیاسي بازار موندنه ده او پاکستان ته بیا بیا تګ راتګ د عامو افغانانو په منځ کې چې له پاکستان نه کرکه لري د طالبانو حیثیت چې پخوا لا د پاکستان د ملاتړ له امله بدنام دی، نوره هم صدمه رسوي.

د طالبانو یو پخواني وزیر وايي “ د ملا برادر په سفر باندې اکثر طالبان خفه دي، خصوصاً نظامی قومندانان د برادر دغه قسم  حرکاتو ته د شک په سترګه ګوري او د هلمند، اروزګان، فراه، وردګ، غزني، کندوز او فاریاب نظامي مشرانو دغه سفر بې ګټې بللی او د طالبانو د هغو هڅو پر خلاف یې ګنلی چې غواړي طالبان د پاکستان له منګولو خلاص کړي “.

ملا برادر د ۵ ورځو لپاره پاکستان ته سفر درلود خو نن یې د سفر نهمه ورځ ده . نوموړی په کویټه او کراچۍ کې د پاکستاني استخباراتو تر څار لاندې ملاقاتونه ترسره کوي او لا قطر ته بیرته نه دی ستون شوی.

3 COMMENTS

  1. چی مو طمعه د پاکستان له در او دروازی پریکړه همهغه ورځ ازاد یاست … ملا برادر اخند لږ خو د ملا عبید الله له له مرګه .. لږ به دی ملا منصور له نیمه بدنه او استاد یاسر نه حیا کړی وه … ملا ګونګی اخند والله که دی ملت او طالب وبښی …

  2. یره فکر نه کوم چې طالبانو کې دومره سوجت او حیا وی چې په دې سفر خفه شي

    بل دا چې ایا اشرف غني امریکا ته د سفر هیله نه لري؟
    طالب همداسې درواخله- پاکستان خو د طالب روح، زړه، فکر، عقل، خوله، څټ او مخ دی

LEAVE A REPLY

Please enter your comment!
Please enter your name here

- Advertisment -

ادب