پنجشنبه, جنوري 28, 2021
Home خبرونه لاریون کوونکي: د فرانسې ولسمشر دې له مسلمانانو بښنه وغواړي

لاریون کوونکي: د فرانسې ولسمشر دې له مسلمانانو بښنه وغواړي

تاند(جمعه، د عقرب ۹) په کابل او د هېواد په یو شمېر نورو ښارونو کې د جمعې له لمانځه وروسته لمونځ کوونکو لاریونونه وکړل او د فرانسې پر ضد يې شعارونه ورکړل.

لاریون کوونکو غوښتنه کوله چې باید ژر تر ژره د اسلام ستر پیغمبر حضرت محمد(ص) ته د منسوب کاریکاتور خپرېدل بند شي او د فرانسې ولسمشر ایمانوېل مکرون باید له مسلمانانو بښنه وغواړي.

دوی ویل د اسلام پیغمبر ته سپکاوی ښايي په نړۍ کې د ترهګرۍ د ودې لپاره زمینه برابره کړي.

مظاهره کوونکو له نړیوالې ټولنې وغوښتل چې باید دینې مقدساتو ته سپکاوی د نړیوال جرم په توګه ومنل شي.

په وروستیو څو ورځو کې په یو شمېر اسلامي هېوادونو هم د فرانسې پرضد لاریونونه شوي دي.

1 COMMENT

  1. او همدا لاریونکونکی د ترویستانو لخوا په انتحار وژل کیږی چه کافر دی او وژل یی روا دی

LEAVE A REPLY

Please enter your comment!
Please enter your name here

- Advertisment -

ادب