Wednesday, November 25, 2020
Home خبرونه عبدالله وایي؛ امريکا دې د سرتېرو په ویستلو کې بېړه نه کوي

عبدالله وایي؛ امريکا دې د سرتېرو په ویستلو کې بېړه نه کوي

تاند ( یک شنبه، د قوس ۲) د ملي مصالحې عالي شورا مشر عبدالله عبدالله وایي، امریکا پرېکړه کړې ده چې خپل سرتېري په بېړه خپل هېواد ته ستانه کړي.

هغه زیاته کړې، د امریکا پرېکړې ته په درناوي په کار ده چې شرایطو ته په پام افغانستان کې د امریکایي سرتېرو شمېر کم شي.

اسوشیټډ پریس د عبدالله له خولې ویلي، دوی د امریکا د پرېکړې ملاتړ کوي خو اوس د افغانستان وضعیت دې ته نه دی اماده چې د سرتېرو شمېر دې تر ټولو کمې کچې ته راټیټ شي.

عبدالله څرګنده کړې، چې امریکا به د تل لپاره افغانستان کې نه وي خو ښه ده چې دا چاره په احتیاط ترسره شي.

نوموړي له یوې خوا وېره ښودلې چې طالبان به د دوی په خوښه مخ ته لاړ نه شي خو بل لورته یې په افغانستان کې د ناټو او یو شمېر امریکایي سرتېرو په پاتې کېدو خوښي څرګنده کړې ده.

د یادونې ده تېره اوونۍ د امریکا د دفاع وزارت سرپرست کرسټوفر مېلر ویلي وو چې د جنوري میاشتې تر نیمایي پورې به په افغانستان کې د خپلو سرتېرو شمېر له ۴۵۰۰ څخه ۲۵۰۰ ته راکم کړي.

2 COMMENTS

  1. د شورای نظار لنډغر او نور جاسوسان چی د امریکایانو په اوږو سپارل راغلل او تر هغوی زیات دی خاوری او خلکو خیانت کړی د سخت حساب سره مخ کیدونکی دی، د امریکایی یرغلګرو په مرسته مو د هر پښتون کور بی عفته کړی او هر پښتون مو لوټلی دا یاد لرئ چی تاسو لنډغر به هیڅ ځای د پښتنو له محاکمی پټ نه شئ، امریکا ماته منلې او له دی ویاړلی خاوری به ټیت سر ووځی بله لار نه لری او تاسو لنډغر نور د پټیدو ځای هم نه لرئ او نه مو امریکا خلاصولی شی.

  2. خو دا کار یعني بې عفتي تر هر چا زیات طالب وراړولې ده.
    څومره چې پښتون قام د طالب له لوري ځپل شوی په تاریخ کې د هیچا د طرفه هومره نه دی ځپأ شوی او ذلیل شوی.
    عبدالله یا د شمال کوم بل یوه د پښتون ښوونځی سیځلی نه دی، د پښتون د پرمختګ او ترقي مخه یې نیولې نه ده. پښتون یې د پاکستان ټوک خور کړی نه دی، پښتون یې د پنجابي سپی کړی نه دی. دا یوازي طالب دی چې د ایران او پاکستان د منظم پروګرام پر اساس پښتون ځپي او نورو ته څه نه وايي. دا هغه پروګرام دی چې د پنجاب او ایراني اخوندانو له لوری د پښتون قامن او په مجموع کې د افغانستان د خوارولو او په هغه کې د پښتون د ګوښه کولو لو رټلو لپاره د طالب په وسیله پر مخ وړل کېږي
    رشید

LEAVE A REPLY

Please enter your comment!
Please enter your name here

- Advertisment -

ادب

یو خوب | هیله پسرلی

 د شپې دوه بجې دی. زرغونه خوب ویني: لوی تالار، له خلکو ډک... جګ بوټونه، اوږد کمیس، تکې سرې شونډې، لنډ ویښتان، دا د...

ساعت | لیکواله:صفیه وردګ

میرویس په بل اړخ شو.اسوېلی يې وکیښ. خوب نه ورته.د مخامخ ساعت شوبینۍ وخت ښکاراوه،څه باندې درې بجې وې.له بسترې راپورته شو.لاس يې یوې...

کب/ اجمل پسرلی

د سیند اوبه ولاړې ایسیدې، خو یو نیم خلی چې به باندې راښکاره شو، پوه به شوې چې درومي. ادم لکه همدا اوبه غلی و،...

د چاروالې او رغښتوالې توپير او يو نوى اثر | اجمل ښکلى

"ګذار از مقوله و ميزان به دستور نقش ګراى نظام مند هاليدى" د پوهندوى دکتور راحلې حميدزۍ  د دکتورا اثر دى، چې سږکال چاپ...