شنبه, جنوري 23, 2021
Home خبرونه صدیقي: د ملي دسترخوان له پروګرام سره مخالفت له ملت سره مخالفت...

صدیقي: د ملي دسترخوان له پروګرام سره مخالفت له ملت سره مخالفت دی

تاند، دوشنبه د سنبلې ۱۷مه: صدیق صدیقي وايي، حکومت له طالبانو سره د مخامخ خبرو لپاره پوره تیاری لري او طالبانو ته په کار ده چې د بین الافغاني خبرو د ژر پیلېدو لپاره خپل پلاوی چمتو کړي.

د ولسمشر ویاند صدیق صدیقي، چې نن یې په کابل کې یوې خبرې غونډې ته خبرې کولې، وویل، دوی د دولت او طالبانو ترمنځ د سولې د پیلېدونکو خبرو په تړاو، په کابل کې د اروپایي ټولنې او کاناډا د ډیپلوماټیکو استازولیو د مشرانو د اعلامیې هرکلی کوي.

ښاغلي صدیقي په دغه خبري ناسته کې ویلي، القاعده ډله اوس هم د افغانستان او د افغانستان د متحدانو لپاره یو ګواښ دی او زیاته کړې یې ده، چې له یادې ډلې سره د مبارزې په خاطر باید د سیمې او نړۍ هېوادونه له افغان حکومت سره همکاري وکړي.

هغه د ملي دسترخوان پروګرام ته په اشارې وویل، ولسي جرګه په دې برخه کې پوره معلومات نه لري، نو لومړی دې خپل معلومات بشپړ او بیا دې غبرګون وښيي.

ولسي جرګې د دویم ځل لپاره هم د ملي دسترخوان پروګرام رد کړی دی.

هغه د ملي دسترخوان له پروګرام سره مخالفت له ملت سره مخالفت بللی او زیاته کړې یې ده چې د ملي دسترخوان لګښت د نړیوال بانک له لوري د افغانستان حکومت ته ورکول کېږي.

2 COMMENTS

  1. ټول ملت په تاسې بې اعتباره شوی دی، ځکه چې تاسې د کرونا په مرسته شوو پیسو کې بې دریغه او بې حسابه غلا وکړه، ملت ستاسې له امله غرک شو..

  2. د ملی دسترخوان کومه بودیجه چه نړیوال بانک ورکوی ، دا به ددی بانک کمک وی په همدغه برخه ګښی . چه البته په بله برخه کی به دغه بانک نه غواړی دغه پیسی مصرف شی ځکه دغه پیسی دغه بانک د همدغه هدف د پاره منظوری کړی . او د افغانستان حکومت هم نشی کولای چه دډونر پیسی په خپل سر په بل سکتور کی مصرف کړی . اوس که دغه پیسی د افغانستان حکومت په مدغه برخه کی مصرف نکړی ، دغه پيسی د افغانستان ددولت او ملت د لاسه وزی ( بیرته نړیوال بانک ته ځی ) نو په دی صورت کی یی ګټه څه ده ؟ امید دی چه وکیلان په دی موضوع باندی ځانونه ښه و پوهوی او موضوع سیاسی نکړی ، چه بیا به ددغه کا ر ډیر ضرر اړو او غریبو خلک ته وی کوم چه دغه وکیلانو ته یی رایه هم ورکړی او د کرونا د وجه بیکاره شوی او عاجل غذایی موادو ته ضرورت لری .

LEAVE A REPLY

Please enter your comment!
Please enter your name here

- Advertisment -

ادب