Wednesday, November 25, 2020
Home خبرونه د کورنیو چارو وزارت: د کندهار په جګړه کې د طالبانو د...

د کورنیو چارو وزارت: د کندهار په جګړه کې د طالبانو د قطر دفتر مهم غړی وژل شوی

تاند (یکشنبه د عقرب ۲۵) د افغانستان د کورنیو چارو وزارت وایي، په قطر کې د طالبانو د سیاسي دفتر یو مهم غړی مولوي منیر د کندهار ولایت په جګړه کې د افغان امنیتي ځواکونو له خوا وژل شوی دی.

ددغه وزارت ویاند طارق ارین چې نن یې په کابل کې یوې خبري غونډې ته وینا کوله وویل، د وسله ‌والو طالبانو د قطر دفتر یو مهم غړی مولوي منیر په کندهار کې د افغان امنیتي ځواکونو سره په جګړه کې وژل شوی دی.

د ارین په وینا، مولوي منیر د یعقوب شبکې مسئول د ملا برادر او ملا شیرین د جبهې قومندان، د کندهار لپاره د طالبانو پخوانی والي او په قطر کې د طالبانو د سیاسي دفتر غړی دی.

د ښاغلي ارین په خبره طالبانو په دې وروستیو کې خپلو بریدونو ته زور ورکړی دی، خو زیاتوي چې دې ډلې ته په کندهار او هلمند کې درنه مرګ ژوبله اوښتې او سخته ماتې یې خوړلې ده.

هغه د خپلو خبرو پر دوام وویل، چې په یادو ولایتونو کې د وروستیو جګړو پر مهال د ۵۵ طالب قومندانانو په ګډون لسګونه وسله وال وژل شوي او ګڼ شمېر نور یې ټپیان شوي دي.

د هغه د معلوماتو له مخې په دې جګړو کې تر ۱۵۰ زیات پاکستاني جنګیالي هم وژل شوي، چې اوس د پاکستان په روغتونونو کې دي.

د کورنیو چارو وزارت ویاند په هلمند او کندهار کې د طالبانو ماته د هغوی لپاره لوی ماته او د افغان ځواکونو لپاره ستره لاس ته راوړڼه وبلله.

که څه هم طالبانو په خپلو لیکو کې د بهرنیو جنګیالیو شتون رد کړی، مګر تر اوسه یې د کورنیو چارو وزارت ددغې ادعا په هکله کوم څه نه دي ویلي.

د طالبانو ور اخوا د حزب اسلامي مشر ګلبدین حکمتیار چې په دې وروستیو کې یې پاکستان ته سفر کړی و او هلته یې له پاکستاني چارواکو سره کتلي، په هلمند کې د پاکستاني جنګیالیو وژل کېدل رد کړي، چې د افغان دولت له سختو نیوکو سره مخامخ شوی دی.

LEAVE A REPLY

Please enter your comment!
Please enter your name here

- Advertisment -

ادب

پښتو لیکدود| پروفیسور عبدالخالق رشید

درشادپوهنې کلنی لکچ :  دعلامه رشاد د پنځلسم تلین په درشل کې  بسی دورباید که چرخ ظفر      بیا رد کسی چون توباردیگر            په دي ورځو...

یو خوب | هیله پسرلی

 د شپې دوه بجې دی. زرغونه خوب ویني: لوی تالار، له خلکو ډک... جګ بوټونه، اوږد کمیس، تکې سرې شونډې، لنډ ویښتان، دا د...

ساعت | لیکواله:صفیه وردګ

میرویس په بل اړخ شو.اسوېلی يې وکیښ. خوب نه ورته.د مخامخ ساعت شوبینۍ وخت ښکاراوه،څه باندې درې بجې وې.له بسترې راپورته شو.لاس يې یوې...

کب/ اجمل پسرلی

د سیند اوبه ولاړې ایسیدې، خو یو نیم خلی چې به باندې راښکاره شو، پوه به شوې چې درومي. ادم لکه همدا اوبه غلی و،...