یکشنبه, جنوري 17, 2021
Home خبرونه د پښتون ژغورنې غورځنګ نن د یوې سترې غونډې تابیا نيولې

د پښتون ژغورنې غورځنګ نن د یوې سترې غونډې تابیا نيولې

تاند ( یک شنبه، دعقرب ۲۵) له کورونايي بنديزونو وروسته د پښتون ژغورنې غورځنګ نن د یوې سترې غونډې تابیا نیولې ده.

دا غونډه د شمالي وزیرستان په ميرانشا سیمه کې کیږي چې، زرګونه پښتانه به یې ګډونوال وي.

ویل کېږي چې په دې غونډه کې د ګډون لپاره پښتانه سیاستوال او د غورځنګ مشران او پلویان تیره شپه رسېدلي او ټاکل شوې نن یو ځل بیا د پاکستان ریاست د ظلمونو پر وړاندې غږ پورته کړي.

د غونډې تنظيموونکي وایي: د دې سترې غونډې لپاره له تېرو پنځلس ورځو راهیسې خیبر پښتونخوا کې کمپاینونه روان و او خلک پکې پراخ ګډون ته هڅول شوي دي.

په دې غونډه کې به د پښتون مظلومیت او حقونو لاس ته راوړلو باندې خبرې وشي.

د پښتون ژغورنې غورځنګ له کلونو راهيسې په پاکستان کې د پښتنو په ملاتړ او پر دوی د ریاست د ظلمونو خلاف غږ پورته کوي.

پاکستاني حکومت هم هڅه کړې څو د دې غونډې مخه ونيسي خو ویل کېږي بریالی شوی نه دی.

1 COMMENT

  1. سلامونه،
    اول خو خپلو لر او بر پښتنو اوغانانو وروڼو ملګرو ته د میرانشا /وزیرستان دا پرلت، غوڼډه او لاریون په تنظیمولو ځوان مشر ډ.منطور پشتین صاحب، او مخکښو غړو علي وزیر ، محسن داوړ، افراسیاب خټک … او ټولو شعوب او قبایلو (لوی پشتون افغان ولس) ته مبارکي وایم، او له نجیبه تر نقیبه او له لواڼي تر عارف وزیر او نورو شهیدانو ته د رحمت دعا غوښتلو دا ویم چې :
    که د پنجابي ریاست او ادارې په ژیره خلی نه وي ، دوی او نړیوال انګریز، امریکه ا.د.ن. په شا ډبوونکي ېې ولې له دې غوڼډو له خپرولو ډاریګي؟ ځکه چې دوی(پنجاب اداره او ګوډاګیان ) ېې په لر او بر کې په کروړ انسانان خا ص ډول پښتانه وژلي، ژوندي غیب کړي ، کورونه ېې ورته وران کړي او هم ېې مړه کړي هم يې پړهء کړي ؛
    که نه ، د عدم تشډد کړنلارې هندوستان ، سهیلي افریقا ، الجزایر او حتی امریکن تورپوستکو ته له ظلم، بربریت ، استثمار او استعمار څخه نجات ورکړی ؛ د ارواښاد باچا خان فخر افغان خدايي خدمتګارانو اسلامي ، انساني او پښتونولي عدم تشډد هم تر یو حده نتیجه ورکړې وه مګر ځینو جاهطلبانو، د پوڼډوڼو او چوکیو نوکرانو لیونیانو د خپل قام پر ضد دتوراو سپین او ژیړ او سور کافر چوپړونه وکړل او د بابړې، قصه خوانۍ ، چارسدې او اوس د خړ کمر، چمن ، هلمند ، کندهار ، ڼنګرهار، کنړ ا.د.ن. لر او بر لوی وطن کي يي قتل عامونه وکړل ، پر کوڼډو رڼډو یتیمانو ېې تجارتونه او قاچاق وکړل : او دا ټولې نړۍ ورته کتل مګر پر حقیقت ېې څوک نه خبرول ، لکه د پي.ټي. ایم په شعارونو کې ويل کیدل او کېږي:( پنجاب ایز کیلینګ ؛ ده ووړلډ ایز واچینګ!)

LEAVE A REPLY

Please enter your comment!
Please enter your name here

- Advertisment -

ادب