یکشنبه, جنوري 17, 2021
Home خبرونه د پاکستان پارلمان له افغانستان سره د سوداګرۍ د پراختیا غوښتونکی دی

د پاکستان پارلمان له افغانستان سره د سوداګرۍ د پراختیا غوښتونکی دی

تاند(سه شنبه، د قوس ۴) پاکستان وایي له افغانستان سره باید د سوداګرۍ د لا پراختیا لپاره هڅې وشي.

د پاکستان د ملي اسمبلۍ رییس اسد قیصر په خپلو تازه څرګندونو کې ویلي دي چې پاکستان له افغانستان سره د سوداګرۍ په برخه کې د نوو بابونو پرانیستلو ته اړتیا لري.

د هغه په خبره پاکستان او افغانستان باید د سوداګرۍ د پراختیا لپاره داسې طرحې او پلانونه جوړ کړي چې د دواړو لورو په ګټه وي او په سیمه کې د اتصال سبب شي.

هغه ټينګار کړی چې د سوداګرۍ په برخه کې باید ټول خنډونه ختم کړل شي او په سرحدي سیمو کې دې په تګ راتګ کې اسانتیا راوستل شي.

قیصر افغانستان د پاکستاني سوداګرۍ لپاره تر ټولو ښه لار بللې ده او دلته یې د ترانزیتي اسانتیاوو پر راوستلو ټینګار کړی دی.

قیصر داسې مهال دا څرګندونې کوي چې څو ورځې وړاندې عمران خان افغانستان ته په خپل سفر کې د سوداګرۍ د پراختیا لپاره ژمنې وکړي.

LEAVE A REPLY

Please enter your comment!
Please enter your name here

- Advertisment -

ادب