پنجشنبه, جنوري 28, 2021
Home خبرونه د پاکستان او ترکمنستان ولسمشرانو د ټاپي پروژې پر ژر بشپړولو خبرې...

د پاکستان او ترکمنستان ولسمشرانو د ټاپي پروژې پر ژر بشپړولو خبرې وکړې

تاند(شنبه، د سنبلې ۲۹) د پاکستان ولسمشر عارف علوي له خپل ترکمن ساري قربان قُلي بیردي محمدوف سره په ټېلفوني خبرو کې د ټاپي پروژې د ژر بشپړېدو غوښتنه وکړه.

ده وویل، دا پروژه به د ترکمنستان او پاکستان ترمنځ دوه اړخیزې اړیکې لا ډېرې پیاوړې کړي.

علوي او بیردي محمدواوف د ټاپي ترڅنګ د ټاپ یا له ترکمنستان څخه د افغانستان له لارې پاکستان ته د برښنا د لېږد د پروژې په اړه هم خبرې وکړې.

د پاکستان ولسمشر خپل ترکمن ساري ته د چین- پاکستان د اقتصادي کوریدور (دهلیز) په اړه وویل چې دا به د سیمې هیوادونه په ځانګړي ډول افغانستان او د منځنۍ اسیا هیوادونه له یو بل سره ونښلوي.

ده د ګوادربندر د اهمیت په اړه وویل چې دا بندر له تودو اوبو سره د ترکمنستان د وصلولو تر ټولو نژدې لار ده.

دواړو مشرانو د ټاپي پروژې په برخه کې پر شوي پرمختګ رضایت وښود.

پاکستان تراوسه پورې په خپله خاوره کې د نللیکې کار نه دی پیل کړی خو د ترکمنستان ولسمشر د پاکستان ولسمشر ته وویل چې افغانستان پر دې پروژې په خپله خاوره کې ژر کار پیلوي.

1 COMMENT

  1. زمونږ د پاره تر چابهار بل ښه بدیل نشته دی.
    پاکستانه ترکمنستان چرته د افغانستان په شان دولت نلري چې ته به پرې سبا له لارې بندوې او پنځه میاشتې به بیا ورسره لارې خلاصوې، هغوی خو د ارګ د حکومت په شان بار بار غولیدونکې خلک ندي. افسوس نو…

LEAVE A REPLY

Please enter your comment!
Please enter your name here

- Advertisment -

ادب