دوشنبه, جنوري 18, 2021
Home خبرونه د خدیجې الهام ورور او ساتونکو یې کاپیسا کې پر دوو ښځو...

د خدیجې الهام ورور او ساتونکو یې کاپیسا کې پر دوو ښځو جنسي تیری کړی

تاند (شنبه د میزان ۵) په ولسي جرګه کې د کاپیسا د خلکو د یوې استازې یوولس ساتونکو او ورور یې په دغه ولایت کې پر دوو ښځو ډله‌ييز جنسي تېری کړی دی.

د رسنیو د راپورونو له مخې د کاپیسا د خلکو وکیلې خدیجې الهام ۱۱ ساتونکو او ورور یې تېره ورځ ناوخته په هغو دوو ښځو جنسي تیری کړی چې دغه ولایت ته په چکر تللې وې.

د سرچینې د مالوماتو له مخې یوه ښځه د کاپیسا اوسېدونکې ده او بله له کابل څخه دغه ولایت ته د چکر په موخه ورغلې ده.

دا پيښه تیره شپه د دغه ولایت دوهمې حصې ولسوالۍ کې شوې او عاملین یې له سیمې تښتیدلي دي.

سرچینې زیاته کړې وسله والو دا مېرمنې تر جنسي تېري وروسته د شپې له کوره ایستلي چې اوسمهال له پولیسو سره دی.

پولیسو په دې پېښه کې د تورنو کسانو د نیولو هڅې پیل کړي دي.

بلخوا د کاپيسا د ښځو چارو ریاست یاده پېښه تایید کړې او ویلي یې دي چې پولیسو ددې پېښې په تړاو شپږ وسله وال کسان نیولي دي.

خدیجې الهام بیا په دې پېښه کې د خپل ورور او ساتونکو لاس لرل رد کړي او دا کار یې ددې د فعالیتونو پر وړاندې د خپلو سیاسي رقیبانو جوړه شوې دسیسه بللې ده.

1 COMMENT

  1. مجرمین به اوس په یاغستان یا پنجشیر کې د مشهور زناکار کرام الدین ترڅنګ آرامه ناست وی .

LEAVE A REPLY

Please enter your comment!
Please enter your name here

- Advertisment -

ادب