یکشنبه, جنوري 17, 2021
Home خبرونه امریکا په افغان جګړه کې یو تریلیون ډالر مصرف کړي او ۲۴۰۰...

امریکا په افغان جګړه کې یو تریلیون ډالر مصرف کړي او ۲۴۰۰ سرتېري یې وژل شوي

تاند (دوشنبه د میزان ۱۵) په افغانستان کې د طالبانو پر ضد د امريکا د لومړنیو هوايي بريدونو او نظامي حضور پوره ۱۹ کاله تېرېږي.

دا د امریکا په تاریخ کې د يوې اوږدې جګړې پېل وو، چې په میلیاردونو ډالر پرې مصرف شوي او د دغه هېواد لپاره ډېره درنه تمامه شوې ده.

د فرانسې خبري آژانس د راپور له مخې، د ۲۰۰۱م کال د اکتوبر میاشتې د اوومې نيټې تر لومړنیو هوايي بريدونو وروسته امريکايي ځواکونه افغانستان ته داخل شول او د طالبانو رژيم له ختم کړ.

د راپورونو له مخې امریکا افغان جګړه کې یو تریلیون ډالر مصرف کړي او دغه راز یې ۲۴۰۰ عسکر وژل شوي دي.

د امريکا متحده ایالات، القاعده شبکه د سپتمبر د يولسمې نیټې د بريدونو مسئوله بولي چې نږدې ۳۰۰۰ وګړي پکې وژل شوي دي.

طالبان له افغانستان څخه د بهرنيو ځواکونو د وتلو له پاره د روان میلادي کال په فبرورۍ میاشت کې يو تړون لاسلیک کړ او اوسمهال په قطر کې د افغان دولت سره د سولې په خبرو او اوربند کولو بوخت دي.

د فرانسې خبري آژانس په خپل راپور کې دا هم لیکلي، چې طالبان د خپل رژیم له دورې چندانې نه دي بدل شوي، نو ځکه ډیری افغانان د هغوی د نفوذ د نوې دورې څخه ويره لري.

ډیری افغانان په ځانګړي توګه مېرمنې په دې باور دي چې افغانستان ته د امریکایانو په ورتګ سره د دوی حقونه تضمین شوي چې له هغې جملې یو یې د بیان ازادي او د زده کړې حقونه یادوي.

بلخوا طالبانو د یوې خبرپاڼې په خپرولو سره په افغانستان کې د امریکایي ځواکونو د ۱۹ کلن حضور په اړه ویلي، چې امريکا یې په ۲۰۰۱م کال کې د دیپلوماسۍ غوښتنې په ډېر غرور او ناغیړۍ سره رد کړې وې او پر ځای یې خونړي اشغال ته دوام ورکړ چې په زیان یې تمام شوی دی.

په دوحه کې د امریکا او طالبانو ترمنځ د شوې هوکړې له مخې، ټاکل شوې د ۲۰۲۱ میلادي کال تر مۍ میاشتې ټول امریکایي پوځیان له افغانستان څخه ووځي.

1 COMMENT

  1. More than half of the one trillion dollars went back to where it came from. If a five dollars hammer was charged for $ 100 now think about other charges? the spending of one trillion dollars did not stop the war.

LEAVE A REPLY

Please enter your comment!
Please enter your name here

- Advertisment -

ادب