Categories

اعلان

Loading…

په تېرو ۱۳ کلونو کې تر ۸ زره زیاتو بلغاریايي پوځیانو په افغانستان کې خدمت وکړ

تاند- بلغاریا وايي چې په افغانستان کې د ناټو د تاریخ تر ټولو په اوږده ماموریت کې څه باندې ۸ زره بلغاري پوځیانو پوځي خدمت وکړ.

د ناټو په مشرۍ د نړیوالو ځواکونو جنګي ماموریت د دسمبر په یودېرشمه نېټه رسماً پای ته ورسېد او د جنورۍ له لومړۍ څخه یې د غوڅ ملاتړ په نوم نوی ماموریت پیل کړ.

د بلغاریا خبري اژانس وايي چې د عراق خلاف په افغانستان کې بلغاریايي پوځیانو ته هیڅ مرګ ژوبله نه ده اوښتې.

افغانستان ته د بلغاریايي پوځیانو لومړنۍ قطعه په ۲۰۰۲ میلادي کال واستول شوه او وروستۍ بلغاریايي قطعه له افغانستانه د ۲۰۱۴ په دسمبر کې ووته.

د بلغاریا تلویزیون (BTV) وايي چې دغه هیواد خپله وروستۍ پوځي قطعه د طالبانو پخواني مرکز کندهار ته واستوله چې د کندهار د هوايي ډګر ساتنه وکړي.

څه باندې زرو بلغاریايي ډاکترانو او طبي کارکوونکو په تېرو ۱۳ کلونو کې د کندهار او هرات ولایتونو په روغتونونو کې د زرګونو افغانانو او پوځیانو درملنه کړې ده.

په افغانستان کې د ایساف د جنګي ماموریت له پای ته رسېدو وروسته د بلغاریا ۱۱۰ پوځي سلاکاران او روزونکي پاتې شول.

Leave a Reply

Your email address will not be published. Required fields are marked *

۸