Categories

اعلان

Loading…

ټرمپ: که طالبان پر ژمنو ولاړ پاتې شي، د سولې تړون د افغانستان لپاره ګټور دی

تاند، شنبه، د حوت ۱۰مه: د امریکا ولسمشر د سولې له روانو خبرو خوشبیني ښودلې او ویلي یې دي چې د باندنیو چارو وزیر به یې د نن ورځې د سولې د هوکړې شاهد وي.

ډونالډ ټرمپ په یوه اعلامیه کې ویلي، مایک پمپیو ته یې لارښوونه کړې ده چې قطر ته ولاړ شي او د سولې د هوکړې د لاسلیک شاهد پاتې شي، خو همدا راز یې د دفاع وزیر مارک ایسپر ته امر کړی دی چې په کابل کې له افغان حکومت سره ګډه اعلامیه خپره کړي.

ښاغلي ټرمپ د جګړې د درولو مسوولیت د طالبانو پر اوږه اچولی او ویلي یې دي که طالبان پر خپلو ژمنو ټینګ پاتې شي، امریکا به په افغانستان کې د جګړې پایته رسولو په برخه کې یو پياوړی ګام پورته کړی وي او خپل ځواکونو به کور ته راستانه کړي.

ولسمشر ټرمپ د سولې تړون ته په اشاره زیاته کړې، دا به په نوي افغانستان کې د تلپاتې سولې راوستو لپاره یو مهم ګام وي: (( له القاعده، داعش او نورو ترهګرو ډلو پاک افغانستان غواړو، بالاخره دا به د افغانستان خلکو پورې تړاو ولري چې خپل راتلونکی جوړ کړي.))

هغه په افغانستان کې د خپلو سرتیرو له قربانیو مننه کړې او د افغانستان پر خلکو یې غږ کړی دی چې د سولې له برابر شوي فرصت څخه د خپل هېواد د نوي راتلونکې جوړولو لپاره ګټه پورته کړي.

ټاکل شوې چې د امریکا او طالبانو تر منځ د سولې تړون به نن ماسپښین د افغانستان پر وخت په ۳ نیمو بجو د نړیوالو شاهدانو په حضور کې لاسلیک شي او تر هغه وړاندې به د ناټو او امریکا چارواکي په کابل کې د همکاریو د دوام یوه مشترکه اعلامیه خپره کړي.

onesignal_meta_box_present:
onesignal_send_notification:
response_body:
{"id":"76d4dfd5-c41e-4d6b-aeb1-10617fe5d60c","recipients":861,"external_id":"c4e1b566-01de-e6a5-9247-ed00550d6d4f","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
861

1 comment

  1. MHA Reply

    I am hoping and praying to Allah(J) to bring continuous peace to Afghanistan. The people suffered for 40 years, that is one generation, very long time.

Leave a Reply

Your email address will not be published. Required fields are marked *

۸