Categories

اعلان

Loading…

درې ورځې وشوې چې پاکستاني ملخانو په خوست برید کړی دی

تاند، چهارشنبه، د حوت ۷ مه: د کرنې او مالدارۍ وزارت وايي، په خوست د پاکستاني میلیونونه ملخانو یرغل د کروندو حاصلاتو ته د پام وړ زیان نه‌ دی اړولی.

خو کروند ګر وایي، له تېرو دریو ورځو راهيسې د خوست باک، عليشېر، ګربز او د مرکز اړوند ځينو سيمو ته د ملخانو سيلونه ورغلي چې دوی يې سخت اندېښمن کړي دي.

خو د کرنې او مالدارۍ وزارت ویاند اکبر رستمي بیا تاند ته وایي، دا د اندیښنې وړ خبره نه ده او ډېر ژر به دغه ملخان خپل لوری بدل کړي.

د کرنې وزارت ویاند وايي، دغه وزارت له وړاندې د ملخانو د یرغل وړاندوینه کړې وه، تدابیر یې ورته نیولي او په دغه ولایت کې خپل تخنیکي ټیم ځای پر ځای کړی څو په دې برخه کې مبارزه وکړي: ((دغه ملخان تر ډېره هغو ځایونو ته ځي چې د کښت فصل وي او محصولات نږدې وي، له نېکه‌مرغه چې اوس په خوست کې کروندو ته هېڅ خطر متوجې نه‌دی.))

دا په داسي حال کي ده، چي پاکستان کي د پنبې پر کروندو د ملخانو د یو لوی برید وروسته، د اسلام آباد حکومت د دې ګواښ سره د مبارزې لپاره له چین څخه مرسته وغوښتنه.

د اسلام آباد حکومت د ملخانو د حملې خطر په جدي توګه په پام کېنیولو سره بیړنی حالت اعلان کړی او د دې آفتونو له منځه وړلو لپاره کار کوي.

onesignal_meta_box_present:
onesignal_send_notification:
response_body:
{"id":"33b70ee3-59e9-4030-a64a-e1aaa8c8f7e7","recipients":861,"external_id":"eb99941f-cefc-f746-c1ee-68fbe3cff982","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
861

Leave a Reply

Your email address will not be published. Required fields are marked *

۸