Categories

اعلان

Loading…

حکومت: له هراته د کرونا مریض نه دی تښتېدلی او ایران سره مو بندر پرانیست

تاند، سه شنبه، د حوت ۶ مه: د افغانستان حكومت د مسافرو د تګ راتګ لپاره بېرته له ايران سره خپلې پولې پرانيستې.

د ملي امنيت شورا وياند جاوېد فيصل تاند ته وایي، دا تصميم د روغتيا نړيوال سازمان د سټنډرډونو د تطبيق په شرط نيول شوى دى.

د ده په وينا، مسافر كولى شي د عامې روغتيا وزارت او د روغتيا نړيوال سازمان د پروسيجرونو تر تطبيق وروسته ايران ته تګ راتګ وكړي.

په همدې حال كې د عامې روغتيا وزارت وياند وحيدالله مايار وايي، د افغانستان او ايران ترمنځ په پولو او هوايي ډګرونو كې روغتيايي ټيمونه په اړتيا وړ وسايلو سمبال شوي، ترڅو مسافر معاينه كړي.

د روغتیا نړیواله اداره: په نړۍ کې نژدې ۸۰ زره تنه په کورونا اخته دي

د نوموړي په خبره، هغه افغان مسافر، چې د سرحد هغې غاړې ته بند پاتې وو، تېره شپه له معاينې وروسته خپل هېواد ته داخل شول او هېڅ يو يې په كورونا ويروس اخته نه دى.

بل پلو مايار هغه اوازې رد كړې، چې ګواكې په کرونا ويروس اخته كس د هرات له روغتيايي مركزه تښتېدلى او له خلكو يې وغوښتل، چې د عامې روغتيا له وزارت پرته د نورو مراجعو پر معلوماتو باور ونه كړي.

د يادونې وړ ده، چې په افغانستان كې د ياد ويروس يوازې يوه مثبته پېښه شوې او پرې اخته كس د ايران له قم ښاره راستون شوى دى.

onesignal_meta_box_present:
1
onesignal_send_notification:
response_body:
{"id":"79c84bc9-1c79-4ea9-9259-3f2f438c5f9d","recipients":862,"external_id":"54a43056-50c8-e07f-5e10-372fb1f3cdde","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
862

Leave a Reply

Your email address will not be published. Required fields are marked *

۸