Categories

اعلان

Loading…

هرات کې د کرونا ۴ نوې شکمنې پېښې ثبت شوې

تاند، سه شنبه، د حوت ۶مه: د هرات روغتيايي چارواكي په دې ولايت كې د كرونا ويروس د څلورو نویو شكمنو پېښو د ثبت خبر وركوي.

په هرات كې له ياد ويروس سره د مبارزې لپاره د عامه پوهاوي وركولو كمېټې مسوول نذير احمد دهګان وایي، دغه ولایت کې وړمه ورځ د كورونا ويروس درې او پرون څلور شكمنې پېښې شوې دي.

د هغه په وينا، د وړمې ورځې په درېيو شكمنو پېښو كې يوازې يوه يې مثبته ثابته شوه.

دا په داسې حال كې ده، چې د عامې روغتيا وزارت په هرات كې بېړنى حالت اعلان كړى او له ټولو هوايي او ځمكنيو ټرانسپورټي شركتونو يې غوښتي، چې دغه ولايت ته تګ راتګ محدود كړي.

د عامې روغتيا وزير فېروزالدين فېروز د دوشنبې په ورځ له رسنيو، ديني عالمانو، مدني ټولنو، ښوونكو او نورو خلكو غوښتنه وكړه، چې په دې اړه د عامه پوهاوي په برخه كې ورسره همكار پاتې شي.

كرونا ويروس، چې لومړى په چين كې را څرګند شو، افغانستان ته یې د ایران له قم ښار نه سرایت وکړ او تر دې مهاله د نړۍ لسګونو هېوادونو ته خپور شوى.

onesignal_meta_box_present:
onesignal_send_notification:
response_body:
{"id":"5f6bc88b-492b-4e55-b736-4b0dce161537","recipients":862,"external_id":"d3ecbba1-b497-a572-2346-4bcaf74b6c70","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
862

Leave a Reply

Your email address will not be published. Required fields are marked *

۸