Categories

اعلان

Loading…

چین: د ټاکنو کمیسیون پریکړې ته احترام لرو او نوي حکومت سره ګډ کار کوو

تاند، سه شنبه، د حوت ۶مه: د چین د باندنیو چارو وزارت وایي، دوی د ټاکنو د کمېسیون له لوري د اشرف غني د بریا اعلان ته احترام لري او چمتو دي چې له نوي افغان حکومت سره ګډ کار وکړي.

دغه څرګندونې په کابل کې د چین سفیر د خپل هیواد بهرنیو چارو وزارت د ویاند له قوله لیکلي او وایي: ((موږ یاداښت کړه، چې د ټاکنو د خپلواک کمېسیون له لوري اشرف غني بریالی اعلان شو، چین د یوه ګاونډي هیواد په توګه د ټاکنو کمېسیون طرزالعمل او د افغانستان د خلګو خپلواکې پرېکړې ته احترام لري.))

یاوژینګ وایي، چین تیار دی، له افغانانو او نوي حکومت سره د افغانستان د سولې، امنیت او پرمختګ په برخه کې ګډ کار وکړي.

یاده دې وي، چې د ټاکنو خپلواک کمیسیون یوه اوونۍ وړاندې ولسمشر غني د ۵۰.۶۴ سلنه رایو په ګټلو سره بیا ځل لپاره بریالی اعلان کړ خو دا پریکړه عبدالله ونه منله او د خپل همه شموله حکومت رامنځته کولو اعلان یې وکړ.

عبدالله عبدالله د ځینو ولایتونو لپاره والیان هم وټاکل او د ټاکنو کمېسیون پر کمېشنرانو او کارکوونکو باندې یې له هیواده د وتلو بندیز ولګاوه.

اوس په داسې حال کې، چې د دواړو لوریو تر منځ ناندرۍ هم روانې دي، رویټرز خبري اژانس د خپلو سرچینو په حواله لیکي، امریکا له اشرف غني غوښتي، چې د لوړې مراسم وځنډوي.

onesignal_meta_box_present:
onesignal_send_notification:
response_body:
{"id":"0fcf965a-f64b-4cfc-aa88-315bf561e72c","recipients":862,"external_id":"fafe6495-7497-500c-f300-773d577838e1","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
862

1 comment

  1. ګل محمد نوری Reply

    دوه ورځی مخکی ولسمشریز نوماند احمد ولي مسعود په کابل کې د چین له سفیر وانگ یو سره لیدلي.
    هغه په دې لیدنه کې له چینایي سفیر څخه غوښتي، چې د افغان ولسمشریزو ټاکنو اعلان شوې وروستۍ پایلې په رسمیت ونه پېژني.
    چینایي سفیر په دې اړه څه نه دي ویلي.
    څو ورځې مخکې د ولسمشر غني د یوه نیږدې سلاکار ډاکټر فضل محمود فضلي سکرتر پرخپلې فیسبوک پاڼې لیکلي و، چې چینایي سفیر له ډاکټر فضلي سره په لیدنه کې هغه ته د ولسمشر غني د بیا ولسمشر کیدو مبارکي ورکړې ده.

Leave a Reply

Your email address will not be published. Required fields are marked *

۸