Categories

اعلان

Loading…

د سمنګان پخواني والي نوي والي ته چوکۍ پرېښوده

تاند- عبدالکریم خدام چې د سمنګان له ولایته خپله برطرفي رد کړې وه، حاضر شو چې چوکۍ نوي والي عبداللطیف ابراهیمي ته پرېږدي.

خدام د شنبې په ورځ د سمنګان له ولایته برطرفه شو او ابراهیمي یې پر ځای د سمنګان نوی والي اعلان شو خو ده خپله برطرفي غیرعادلانه وبلله او ویې ویل، تر څو چې جمعیت ګوند ونه غواړي د ولایت چوکۍ نه پرېږدي.

نن /سې شنبه/ په یو لړ مراسمو کې، چې خدام هم حاضر و، نوی والي ښاغلی ابراهیمي د سمنګان د ولایت پر چوکۍ کښېناست.

په داسې حال کې چې نوي والي ته د ولایت چارې سپارل کېدې، د سمنګان په مرکز ایبک ښار کې کلک امنیتي تدابیر غوره شوي وو.

پرون جمعیت ګوند اعلان وکړ چې د سمنګان والي په دغه ګوند پورې تړاو لري او مرکزي حکومت یې لېرې کولی نه شي.

د جمعیت دې اعلان هغه انارشي اوج ته ورسوله چې د بلخ پخواني والي عطا محمد نور پیل کړې وه.

2 comments

  1. سلیم Reply

    هههه ښه شو ابراهیمی یې عطا ته هم په اول خط کې ځای پرځای کړ او هم یې کابل ته د عطا لاره پرې ډب کړه

  2. سهاک Reply

    خدام به هم ویلي وي چې چای ناخورده جنګ نمیشه .

Leave a Reply

Your email address will not be published. Required fields are marked *

۸