خواله رسنۍTwitterFacebookPinterestGoogle+

دفاع وزارت: د کندوز ښار شاوخوا سیمې له طالبانو پاکې شوې

تاند، شنبه، د جوزا ۳مه: د ملي دفاع وزارت د چاڼیزو عملیاتو په ترڅ کې له طالبانو څخه کندوز ښار د شاوخوا سیمو تصفیه کېدو خبر ورکړی دی.

د دفاع وزارت تاند ته په یوه استولې خبرپاڼه کې ویلي، چې افغان ځواکونو د پامیر ۱۱۰ په نوم له څو ورځو راهیسې د کندوز ښار شاوخوا سیمو کې عملیات پيل کړي وو چې تر دې دمه په دغو عملیاتو کې د زاخېلو او نورې سیمې پاکې شوې دي.

دفاع وزارت وايي، دا هغه سیمې وې چې طالبانو به ترې په ښار باندې بریدونه طراحي کول، خو اوس په شاوخوا سیمو کې د طالبانو ټول پټنځایونه له منځه وړل شوي دي.

دا په داسې حال کې ده چې تېره اوونۍ پر کندوز ښار د طالبانو یو بل لوی برید شاته تمبول شوی چې امنیتي ځواکونو ورسره له شپې راهیسې تر سهار جګړه کې د لږ تر لږه ۵۰ طالبانو د وژلو خبر ورکړی و.

د شاهین قول وايي، دا تلفات طالبانو ته د مرګ قطعې په نوم د کمانډو ځواکونو ځانګړې ځواک اړولي دي.

1 comment

  1. zahra Reply

    دفاع وزارت وايي، دا هغه سیمې وې چې طالبانو به ترې په ښار باندې بریدونه طراحي کول، خو اوس په شاوخوا سیمو کې د طالبانو ټول پټنځایونه له منځه وړل شوي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *