خواله رسنۍTwitterFacebookPinterestGoogle+

هېواد کې له کورونا روغ شوي تر زرو او ناروغان یې له ۹ زرو واوښتل

تاند، جمعه، د جوزا ۲مه: په هېواد کې له تېرو ۲۴ ساعتونو راهیسې د کورونا ۱۱۸۲ مشکوکو پېښو څخه یې ۵۴۲ پېښې مثبتې تشخیص شوې دي.

د عامې روغتیا وزیر فېروز الدین فېروز نن جمعه غرمه مهال یو خبري کنفرانس ته وویل، په دې سره ټول هېواد کې د کورونا مثبتې پېښې ۹۲۱۶ ته لوړې شوې دي.

بلخوا تاند ته د وزارت لخوا استول شوی معلوماتي لیست ښيي چې تېرو ۲۴ ساعتونو کې تر ټولو زیاتې ۳۱۶ پېښې په کابل کې ثبت شوې دي او هرات ورپسې د ۴۷ پېښو په لرلو دویم نمبر کې روان دی.

د وزارت د معلوماتو له مخې تېرو ۲۴ ساعتونو کې ۱۲ هېوادوال له کورونا مړه شوي چې ورسره د ټولو کورونايي مړو شمېر ۲۰۵ ته لوړ شوی دی او ۵۸ تنه نور روغ شوي دي چې د روغو شویو کسانو شمېر ورسره ۹۹۳ ته رسېدلی دی.

د یادونې ده چې کابل دا مهال د ۳۰۸۳، هرات د ۱۴۶۱، بلخ د ۶۹۶، کندهار د ۶۳۶ او ننګرهار د ۵۱۳مثبتو پېښو په لرلو سره لومړی، دویم، دریم، څلورم او پنځم خطرناک ولایتونه شمېرل کېږي.

بلخوا د عامې روغتیا وزارت، د کورنیو چارو وزارت او حج و اوقافو وزارت له خلکو غوښتي چې د کوچني اختر خوشالۍ په کورونو کې ولمانځي او بهر راونه وځي.
دمګړۍ توله نړۍ کې د کورنا مثبتې پېښې ۵۱۰۷۵۷۲ ته رسېدلي او ۳۳۳زره تنه ترې مړه شوي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *