خواله رسنۍTwitterFacebookPinterestGoogle+

کابل کې ۵۰۰ غیر قانوني موټرسایکلونه نیول شوي دي

تاند، چهارشنبه، د جوزا ۷مه: د کابل امنیه قومنداني وايي، د قرنطین په وروستیو دوه اوونیو کې یې له ښاریانو ۵۰۰ بې اسنادو موټرسایکلونه نیولي دي.

د کابل د پولیسو ویاند فردوس فرامرز تاند ته وايي، دغه ۵۰۰ موټرسایکلونه یې تر ډېره اسناد نه لري او د پولیسو ښارګوټي ته یې انتقال کړي دي.

نوموړی وايي، هر چا چې د خپل موټرسایکل قانوني اسناد ور وسپارل کولی شي خپل موټرسایکل بېرته یوسي.
خو د کورنیو چارو وزارت بیا وايي، دغه موټرسایکلونه په نږدې وختونو کې بېرته د دوی خاوندانو ته نه سپارل کېږي.

د دغه وزارت د ویاند دفتر تاند ته وايي، څه موده وړاندې د موټرسایکل په مرسته هدفي وژنې زیاتې شوې چې له کبله یې اړ شول دوی پر موټرسایکلونو ګرځبندیز ولګوي خو ځینو کسانو له دې امر څخه سرغړونه کړې ده.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *