خواله رسنۍTwitterFacebookPinterestGoogle+

پر جومات د ایاصوفیې موزیم د ودانۍ پر بدلېدو د پاپ فرانسیس خپګان

خبریاله: عاقله اسد(دوشنبه، د سرطان ۲۳) د نړۍ د کاتولیکانو مشر پاپ فرانسس وايي، د ترکیې له خوا له موزیم څخه پر جومات د استانبول د ایاصوفیې ودانۍ د بدلولو په پریکړه سخت خوابدی شوی دی.

پاپ فرانسس دا څرګندونې د یکشنبې په ورځ (د جولای په ۱۲ مه) په واتیکان کې د عبادت د مراسمو پر مهال وکړې.

د ترکیې سترې محکمې تیره اوونۍ پریکړه وکړه چې د ایاصوفیه موزیم باید په جومات بدل شي، او ولسمشر اردوغان وویل چې د جمعې لمونځ به د جولای په ۲۴ نیټه په دغه جومات کې ترسره شي.

د کلیساګانو نړیوالې شورا په ولسمشر اردوغان غږ وکړ چې له دې پرېکړې لاس واخلي.

په استانبول کې د مسیحیانو مشر بارت هولمیو هم د اردوغان پر پریکړې ژوره خواشیني څرګنده کړې ده.

دا تاریخي ودانۍ له نن څخه ۱۴۸۸ کاله وړاندې د رومي امپراتور لومړي ژوستینین د مېرمن په امر د کلیسا لپاره جوړه شوې ده.

د دې ودانۍ پر جوړولو ۱۰۰ معمارانو او ۱۰ زره کارګرو ۵ کاله کار کړی دی.

د ایا صوفیې ګومبزه ۵۵ متره لوړه ده او قُطر یې ۳۱ متره دی.

عثماني امپراتور دوهم سلطان محمد په ۱۴۵۳ میلادي کال قسطنطنیه د بیزانس له کلیسا څخه ونیوله او ایاصوقیه یې په جومات بدله کړه.

بالاخره په ترکیه کې د اتاتورک له لوري د نوې ترکیې د جمهوري نظام له واک ته رسېدو او د کمال اتاترک له ولسمشر کېدو وروسته په ۱۹۳۴ م کال دا تاریخي ودانۍ په موزیم بدله شوه.

ولسمشر اردوغان ویلي دي چې دا ودانۍ به د مسلمانانو او عیسویانو لپاره یو شان خلاصه وي، خو هغه دا هم وویل چې ترکیې په دې ملي پریکړې خپل ملي حاکمیت پلي کړ.

د ملګرو ملتونو یونیسکو دا ودانۍ چې هم د مسلمانانو او هم عیسویانو لپاره سپېڅلې ده، د نړۍ د لرغوني میراث په لیست کې شامله کړه.

له موزیم څخه پر جومات د دې ودانۍ د اړولو پرېکړه ترکیې ته ښايي ډېر اقتصادي تاوان هم واړوي ځکه چې دا ودانۍ د بهرنیو سیلانیانو د سیل یو مهم ځای ګڼل کېږي. یوازې تېر کال ۳ میلیونه او ۷ لکه سیلانیان د ایا صوفیې لیدلو ته ورغلي وو.

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand Comments (1)

د وخت د بدنام لیکوال…

دا ترانې | ګل رحمن رحماني

دا ترانې | ګل رحمن رحماني

16 سپتمبر, 2020 کلتور taand No comments

 ماشوم روزنه او پالن…

زما خټین تاج محل

زما خټین تاج محل"" اثر چاپ شو"

14 سپتمبر, 2020 کلتور taand No comments

سید اصغر هاشمي په…

د ژوند په تمه| لیمه وزیري 

د ژوند په تمه| لیمه وزیري 

11 سپتمبر, 2020 کلتور taand No comments

موږ د شپې د سولې او …