خواله رسنۍTwitterFacebookPinterestGoogle+

ټیک ټاک له بندیز سره سره په امریکا کې ۱۰ زره تنه ګوماري

تاند(سې شنبه، د سرطان ۳۰) سره له دې چې ټیک ټاک په امریکا کې له بندیز سره مخامخ دی، دې چینايي کمپنۍ اعلان وکړ چې په متحدو ایالتونو کې ۱۰ زره تنه ګوماري.

د سي این بي سي د راپور له مخې، د ټیک ټاک د شهرت له زیاتېدو سره په امریکا کې د دې کمپنۍ د کارکوونکو شمېر، چې تر ۵۰۰ لږ وو، اوس شاوخوا ۱۴۰۰ ته رسېدلی دی.

د ټیک ټاک ویندوی سي این بي سي ته وویل، په روان ۲۰۲۰ کې ټیک ټاک په امریکا کې د خپلو کارکوونکو شمېر دوه برابره کړ او وايي چې په راتلونکو درو کلونو کې ۱۰ زره نور ګوماري.

خو دا په داسې حال کې ده چې د امریکا حکومت غواړي پر دې چینايي کمپنۍ بندیز ولګوي. دې او ځینو نورو مسلو د امریکا او چین ترمنځ اختلاف زیات کړی دی.

د امریکا حکومت وايي، د چین کمونیستي حکومت له دې ټکنالوژۍ څخه د جاسوسۍ او نورو غیرقانوني کړنو لپاره کار اخلي.

تر دې وړاندې ولسمشر ټرمپ د چین په هووايي کمپنۍ بندیز لګولی و.

د ټیک ټاک تر ټولو لوی دفتر اوس د امریکا په لاس انجلس کې دی خو اوس باید پرېکړه وکړي چې بل مرکزي دفتر په لندن، ډبلین او که سینګاپور کې پرانیزي.ټیک

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *