خواله رسنۍTwitterFacebookPinterestGoogle+

هندي پوليسو د ماسک نه تړلو په تور وزه نيولې

تاند ( سه شنبه، د اسد ۷) د هند د اترپردېش ايالت په کانپور ښارکې پوليسو د کورونا ويروس د مخنيوي په خاطر د حکومت د احتياطي لارښوونو څخه د سرغړونې په تور يوه وزه يا بیزه نيولې ده.

یو شمیر نړیوالې رسنۍ وایي،چې هندي پولیس د احتیاطي لارښوونو د عملي کولو په خاطر ښار ته وتلي وو،چې پر سړک یې یوه وزه یا بیزه له ماسک پرته ولیدله او وې نیوله.

سرچینې وایي کله چې د وزې څښتن خبر شو، نو هغه په منډه د پوليسو حوزې ته لاړ او د وزې د پرېښودو لپاره يې پوليسو ته زارۍ وکړې.

د راپورونو له مخې پوليسو په دې شرط، چې له دې وروسته به يې له ماسک تړلو پرته بهر نه پرېږدي، وزه خپل څښتن ته سپارلې ده.

د رسنيو د راپورونو په وېنا، کله چې دا خبر په ټولنيزو رسنيو کې خپور شو، نو خلکو د کانپور په پوليسو سختې نيوکې وکړې.

د پوليسو د ځايي حوزې مشر سېف الدين له اى اې اېن اېس رسنۍ سره په خبرو کې ويلي ، چې اوس خو خلک د کورونا د مخنيوي لپاره خپلو سپيانو ته هم ماسکونه اچوي، نو وزو ته بيا ولې ماسک نه اچوي؟

هند د نړۍ له هغو هیوادونو شمیرل کیږي، چې دکورونا ويروس څخه ډېر اغېزمن شوى دى.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *