خواله رسنۍTwitterFacebookPinterestGoogle+

وېره ده چې د هلمند په پېښه کې د مرګ ژوبلو شمېر لسګونو کسانو ته ورسېږي

تاند(دوشنبه، د سرطان ۸) د هلمند ولایت په سنګین ولسوالي کې د څارویو (مال) په بازار کې چاودنې لږترلږه ۱۰ تنه وژلي او ۱۵ نور ژوبل کړي دي.

د هلمند د والي ویندوی عمر ځواک وايي، پېښه په یوه دودیزه میله ځای کې شوې او اکثره قربانیان یې هغه کسان دي چې د پېر او پلور لپاره دې ځای ته راغلي وو.

وېره ده چې په دې پېښه کې، چې د څرنګوالي په اړه یې ضد و نقیض ادعاوې کېږي، د مرګ ژوبلو شمېر تر دې خورا ډېر وي.

له سيمي څخه د لښکرګاه ښار ايمرجنسي روغتون ته له ټپيانو سره راغلي کسان وايي، د هوان او توغنديو په بريدونو کي شاوخوا ۳۰ ملکي کسان وژل شوي او تر دې ډير ټپيان شوي دي.

دوی ادعا کوي چي د ملي اردو د ۲ لوا څخه چي په سنګين کي موقعيت لري په توپونو او هوانونو ويشتل سوي دي. خو د هلمند د والي مرستیال مجاهدالله صفاري دا خبره دا ادعا ردوي او وايي چې پېښه د چاودنې په نتیجه کې شوې ده.

د ایمرجنسي روغتون مسوولان وايي چې روغتون ته ۱۸ ټپیان رسول شوي دي.

په ټپیانو کې ماشومان هم شامل دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *