خواله رسنۍTwitterFacebookPinterestGoogle+

مشرانو جرګې د نفت او ګازو د تنظيم ادارې په اړه د ولسمشر فرمان رد کړ

تاند، شنبه د سنبلې ۳۰مه: مشرانو جرګې نن د رايو په اکثريت د نفت او ګازو د تنظیم ادارې په اړه د ولسمشرغني فرمان رد کړ.

د یادې جرګې په خبرپاڼه کې لیکل شوي، چې دا پرېکړه یې د ولسمشر د فرمان تر هر اړخیزې ارزونې وروسته کړې ده.

د یادونې ده، چې ولسي جرګې هم د روانې میاشتې په ۲۳مه نېټه یاد فرمان د رایو په اکثریت رد کړی وو.

هغه مهال ولسي جرګې ویلي وو، چې د حکومت له لوري د نویو ادارو جوړول د قانون خلاف او د ولسي جرګې له څارنې د تېښتې مانا لري.

ولسمشر محمد اشرف غني د ۱۳۹۷ د سنبلې په ۶مه د افغانستان د نفتو او ګازو د تنظیم د ادارې د جوړونې فرمان صادر، او د «د نفتو او ګازو د تنظیم د ادارې عمومي رییس» په نامه یو خارج رتبه بست منظور کړ.

د ولسمشر د هغه وخت د فرمان له مخې، د صنعت او تجارت وزارت د نفتي موادو او مایع ګاز د تصدۍ عمومي ریاست د نفتو او ګازو د تنظیم ادارې سره مدغم شو او د نفتو او ګازو د تنظیم ادارې ته د هغه ریاست د ټولو کارکوونکیو انتقال منظور شو.

1 comment

  1. سنګو Reply

    د غنی بابا کوم کمپاینر به بې تقسیه پاتې وي چې دا بست یې ورته تاسیس کړ! نوره تمه تري نه شته

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *