خواله رسنۍTwitterFacebookPinterestGoogle+

فرانسې په مشروط ډول پر طالبانو د بندیزونو د معافیت له اوږدېدو سره موافقه ده

خبریال: امین حسن (سې شنبه، د سرطان ۱۰) په کابل کې د فرانسې سفارت وايي، پاریس موافقه کړې چې د ۱۱ طالب مشرانو پر سفر لګول شوي محدویتونه پای ته ورسوي.

په کابل کې د فرانسې سفارت نن وویل، د سولې د مذاکراتو د بریالیتوب او بین الافغاني خبرو ته د فرصت ورکولو په خاطر پاریس د ملګرو ملتونو  او امنیت شورا له بندیزونو څخه د طالبانو د ۱۱ مشرانو د معافیت له تمدید سره موافقه کړې ده

په اعلامیه کې راغلي چې دا اقدام باید غیرمشروط نه وي بلکې د طالبانو پر ضد د بندیزونو نرمېدا او یا هم لرې کېدا باید سولې ته د طالبانو له رښتیانۍ ژمنې سره تړلې وي.

د ولسمشر محمد اشرف غني ویاند صدیق صدیقي هم د فرانسې سفارت دغه اقدام “د تلپاتې سولې په لور یو مهم ګام” بللی دی.

په همدې اړه د ولسمشر ویاند صدیق صدیقي په یوه ټویټ کې لیکلي چې«طالبان باید تاوتریخوالی ودروي او له افغان حکومت سره مخامخ خبرې اترې پیل کړي.»

د تېر کال د حوت په ۶مه (فبرورۍ ۲۹) په قطر کې، د امریکا او طالبانو په تړون کې راغلي چې د بین الافغاني خبرو له پیلېدو سره به امریکا د طالبانو پر ضد پر لګېدلیو بندیزونو او تور لیست بیا کتنه وکړي.

په کابل کې د پاکستان سفیر، ښايي په ۲ میاشتو کې بین الافغاني خبرې پیل شي

ټاکل شوې وه چې بین الافغاني خبرې د سږ کال د مارچ په لسمه پیل شوې وای خو د بندیانو د خلاصون پر سر اختلاف او د طالبانو له لوري د تشدد د کمولو د ژمنې نه عملي کېدا سبب شوې چې دا خبرې تراوسه ونه شی.

په افغانستان کې د پاکستان سفیر محتاطه خوشبیني ښيي چې په دوو میاشتو کې به دا خبرې پیل شي.

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور