خواله رسنۍTwitterFacebookPinterestGoogle+

فاریاب کې خلکو د طالبانو پر ضد پاڅون کړی او د دوی ولسوال یې محاصره کړی

تاند، یکشنبه، د ثور ۲۸مه: د فاریاب په شیرین تګاب کې له هغې وروسته چې طالبانو له ترکمنستانه راغلې ۶ موټره مرستې تلف کړې، اوس د دغه ځای خلکو یې پر ضد وسله وال پاڅون کړی دی.
د فاریاب والي نقیب الله فایق دا خبره پر خپله ټویتر پاڼه تایید کړې او ویلي یې دي د طالبانو پر ضد ولسي پاڅون پیل شو.

فایق ویلي، طالبانو د شیرین تګاب پر خلکو بې کچې ظلمونه کړي دي او بالاخره یې ولسونه پر ضد راپاڅېدل چې تر اوسه طالبان له شپږو لویو کلیو څخه شاته شوي دي.
نوموړی وايي، د طالبانو په ډزو کې یو ولسي کس وژل شوی او څلور نور ژوبل دي.

بلخوا د شاهین ۲۰۹ نمبر قول اردو ویاند حنیف رضایي هم تاند ته په یو استولي پيغام کې وايي چې نن یکشنبه سهار د شیرین تګاب خلکو د طالبانو پر ضد پاڅون کړی دی او جګړه لا هم روانه ده.

حنیف رضایي وايي، طالبانو له ترکمنستان څخه راغلې مرستې څو ورځې ودرولې او له خوسا کېدو وروسته یې وغورځولې چې له کبله یې ولسي خلک قهرېدلي دي او اوس یې د طالبانو د ولسوال قرارګاه هم محاصره کړې ده.

طالبانو په دې اړه څه نه دي ویلي، خو دوه اوونۍ وړاندې ترکمنستان د کورونا له کبله افغانستان ته بشردوستانه خوراکي مرستې راواستولې چې طالبانو یې ۶واړه لوی موټر په شیرین تګاب کې ستانه کړل.
طالبانو که څه یو موټر خپلې قرارګاه کې خالي کړی و، خو نور یې لمر ته درولي وو چې ټولې مرستې یې خوسا شوې.

1 comment

  1. شمس Reply

    ماشاءالله دغسی باید خلک راپاڅیږی ددی ظالمانو په خلاف دا دین او د افغانستان دښمنان

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

د استاد غضنفر څو خبرې | فیصل جلال

د استاد غضنفر څو خبرې | فیصل جلال

21 سپتمبر, 2020 کلتور taand No comments

د وږي په شلمه په علو…

راشه کنه مرم درپسې| عطاءالله ځواب

راشه کنه مرم درپسې| عطاءالله ځواب

20 سپتمبر, 2020 کلتور taand No comments

 د ښاغلي نور محمد لا…

دوه تازه چاپ شوي اثار

دوه تازه چاپ شوي اثار

20 سپتمبر, 2020 کلتور taand No comments

دوه اثار چې یو یې د …

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand Comments (1)

د وخت د بدنام لیکوال…