خواله رسنۍTwitterFacebookPinterestGoogle+

عامې روغتیا، له کورنیو چارو وزارت د حکیم الکوزي د کلنیک تړلو غوښتنه وکړه

تاند، چهارشنبه، د جوزا ۲۱ مه: د عامې روغتيا وزارت سرپرست ډاکټر احمد جواد عثماني د کورنيو چارو وزارت څخه رسما غوښتي چې د حکيم الکوزي کلينيک بشپړ وتړي او هغه تر قانوني څار لاندې ونيسي.

د روغتيا وزارت نن چهارشنبه د‌ يوه رسنيز کانفرانس له‌ مخې خبریالانو ته وویل چې د حکيم الکوزي لخوا په جوړ شويو درملو کې په پراخه کچه نشه يي توکي کارول شوي دي.

هغه وويل: ((موږ د الکوزي د درملو علمي څيړنه وکړه، ددغه درملو په ترکيب کې ۹ ډوله ترياک او نشه يي مواد ګډ دي، چې ممکن په عين وخت کې دردونه له منځه يوسي خو وروسته د اعتياد او ستونزو لامل شي.))

وړمه ورځ د هرات روغتيا رياست خبر ورکړی و چې د کرونا يو شکمن ناروغ کس چا چې د حکيم الکوزي جوړ شوي درمل خوړلي وو مړ شوی دی، په دې اړه حکومت د څيړنو امر کړی و.

د روغتيا وزارت سرپرست ډاکټر عثماني له کورنيو چارو وزارت غوښتي چې د حکيم الکوزي کلينيک او په بېلا بېلو ولايتونو کې ددې څانګې ژر تر ژره وتړي، همدارنګه حکيم الکوزی ونيسي او قضايي ارګانونو ته يې وړاندې کړي.

دوه اونۍ وړاندې د عامې روغتيا وزارت د الکوزي درملو له څيړلو وروسته پر دغه درملو بندیز ولګاوه، خو د‌الکوزي او کارکوونکو لخوا يې د وکيلانو او ځينو زرواکو او حکومتي چارواکو پرمټ په بېلا بېلو ولايتونو کې عام پلور روان دی

1 comment

  1. خليل Reply

    دتاند ويب پاڼي څخه هيله کوو چي يو ځاى راته وښيي چي الکوزي خپل درمل پلورلي وي، او که ددرواغو تورلګوى جواب به يي هم واياست!

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *