خواله رسنۍTwitterFacebookPinterestGoogle+

د افغانستان حکومت د طالبانو ۱۰۰۰ نور بندیان خوشي کوي

تاند (شنبه، د جوزا۱۶) د افغانستان حکومت وايي چې ۱۰۰۰ تنه نور طالب بندیان به خوشي کړي.

د افغانستان د ملي امنیت شورا نن وویل چې د طالبانو له لوري د یو شمېر افغان امنیتي ځواکونو له خلاصونه وروسته یې پرېکړه کړې چې ډېر ژر ۱۰۰۰ تنه طالب بندیان خوشي کړي.

د افغانستان د ملي امنیت شورا د ویندوی جاوید فیصل پر اساس، تراوسه پورې د افغانستان حکومت د ولسمشر اشرف غني د دوو فرمانونو پر اساس ۲۷۱۰ طالب بندیان خوشي کړي دي.

د امریکا او طالبانو د موافقې له مخې، ټاکل شوې وه چې طالبان د حکومت زر تنه او حکومت د طالبانو ۵ زره تنه بندیان خوشي کړي.

په پام کې ده چې طالبان هم د حکومت ۴۰۰ بندیان خوشي کړي.

د طالبانو یو پلاوی اوس په کابل کې دی چې د طالب بندیانو د خلاصون د بهیر څارنه وکړي.

د یو شمېر کتونکو په باور د بندیانو تبادله د افغانانو ترمنځ د سولې د خبرو په لار کې خنډ او پلمه پای ته رسوي نو ځکه مهمه ده چې دا پروسه ژر بشپړه شي او د دایمي سولې لپاره خبرې پیل شي.

له طالبانو سره د امریکا د فبرورۍ د ۲۹ نېټې موافقې په افغانستان کې سولې ته هیلې غوړولي خو د ډېرو کتونکو په باور د امریکا او طالبانو موافقه په امریکا کې هم ډېر مخالفان لري نو پکار ده چې افغانان له رامنځته شوي فرصته استفاده وکړي او ژر تر ژره په خپل منځ کې د پخلاینې لپاره خبرې پیل کړي.

د دوی په نظر تر خبرو وړاندې پکار ده چې ښکېلې خواوې تشدد کم کړي څو اعتماد رامنځته شي او د خبرو اترو په ښه فضا کې موافقې ته ورسېږي.

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

دا ترانې | ګل رحمن رحماني

دا ترانې | ګل رحمن رحماني

16 سپتمبر, 2020 کلتور taand No comments

 ماشوم روزنه او پالن…

زما خټین تاج محل

زما خټین تاج محل"" اثر چاپ شو"

14 سپتمبر, 2020 کلتور taand No comments

سید اصغر هاشمي په…

د ژوند په تمه| لیمه وزیري 

د ژوند په تمه| لیمه وزیري 

11 سپتمبر, 2020 کلتور taand No comments

موږ د شپې د سولې او …