خواله رسنۍTwitterFacebookPinterestGoogle+

طالبان وايي، د هلمند پراخې سیمې لا هم د دوی په واک کې دي

تاند (چهارشنبه د عقرب ۸) د ملي دفاع وزارت وايي، د لښکرګاه ښار د لسمې حوزې اړوند سیمې په مکمله توګه د طالبانو له شتون څخه پاکې شوي دي.

د دغه وزارت په خبرپاڼه کې راغلي چې تېره شپه افغان ځواکونو د هلمند لښکرګاه ښار د لسمې حوزې اړوند سیمو کې عملیات کړي او هغه سیمې یې بېرته له طالبانو نیولي چې څه موده وړاندې ترې امنیتي ځواکونو شاتګ کړی وو.

خبرپاڼه زیاتوي، هغه کورنۍ چې د جګړو له امله بې ځایه شوې وې بېرته د ستنېدو په حال کې دي.

د وزارت د معلوماتو په اساس، په دې عملیاتو کې تر ۳۰ زیات طالبان وژل شوي او یو شمېر نور ټپیان دي.

بل خوا طالبانو د یوې اعلامیې په خپرولو سره د افغانستان د دفاع وزارت دا ادعاوې رد کړي دي او ویلي یې دي چې په هملند کې ډېرې سیمې اوس هم د دوی په واک کې دي.

طالبانو د تېرې میزان میاشتې په  ۲۰مه نېټه د هلمند په یو شمېر سیمو وسله وال ډله ییز بریدونه وکړل چې د لښکرګاه د یو شمېر برخو په ګډون یې ځیني سیمې ونیولې.

د ځايي چارواکو په وینا ددغو تازه جګړو له امله نږدې لس زره کورنۍ نورو سیمو ته کډه شوي دي.

Leave a Reply

Your email address will not be published. Required fields are marked *