خواله رسنۍTwitterFacebookPinterestGoogle+

سعودي عربستان د کډوالو راستنېدو لپاره افغانستان سره ۳۰ میلیونه ډالر مرسته کوي

تاند، یکشنبه، د جوزا ۱۱ مه: د ماليې وزارت، له سعودي عربستان او د ملګرو ملتونو د کډوالو له عالي کمشنرۍ سره د افغان مهاجرو د داوطلبانه بیرته ستنيدو په برخه کې د ۳۰ میلیونه ډالري مرستو او همکارۍ يو هوکړه ليک لاسليک کړ.

د ماليې وزارت لخوا تاند ته په يوې استول شوې خبرپاڼه کې ويل شوي دي چې دغه هوکړه ليک د افغانستان د ماليې سرپرست وزير عبدالهادي ارغنديوال، په کابل کې د سعودي عربستان له سفير محمد الخالدي او په افغانستان کې د مهاجرو په چارو کې د ملګرو ملتونو د عالي کمشنرۍ له مشرېکرولاين وينبیورن سره لاسليک کړ.

د وزارت په قول د دغه هوکړه لیک يا تړون لګښت ۳۰ ميلیونه ډالر دی چې عملي چارې به يې په څو پړاوونو کې ترسره کيږي.

په دغه پروګرام کې به هغو افغان مهاجرو لپاره چې بيرته خپل هيواد ته ستنيږي، د روغتيا، تعلیم او زيربنايي برخو کې ګټورې پروژې پلې کيږي.

په لومړي پړاو کې د ۱۰ ميليونو ډالرو په ارزښت د افغانستان په ۱۲ ولايتونو کې د ۷ روغتيايي مرکزونو جوړيدل، په ۸ ولایتونو کې د ۱۳ بابه ښوونځيو جوړيدل او د افغانستان په مختلفو ولایتونو کې د ۱۱ زیربنايي پروژو تطبيق شامل دی چې دغه پروژې به د ۲۰۲۱م کال تر پايه پورې تطبیق کيږي.

يادې پروژې د کډوالو په چارو کې د ملګرو ملتونو د عالي کمشنرۍ له خوا مخته وړل کيږي چې د ملي بوديجې له چوکاټ څخه بهر، د سعودي عربستان د انکشافي صندوق له خوا تمويليږي.

د ماليې وزارت د خبرپاڼې په يوه برخه کې په کابل کې د سعودي عربستان د سفير، جاسم الخالدي له قوله راغلي دي: ((موږ د یو باثباته او هوسا افغانستان غوښتونکي يوو، افغانستان سره زموږ مرستې په څو برخو کې ادامه لري. نننۍ مرسته مو، افغانستان ته د افغان کډوالو د باعزته بيرته ستنيدو په برخه کې ده.))

د ماليې وزارت ټينګار کوي چې د افغانستان حکومت، هيواد ته د افغان مهاجرو د با عزته بیرته ستنيدو غوښتونکی دی او هڅه کوي چې په دې برخه کې لازمې زيربناوې تامين کړي.

سعودي عربستان د نړۍ په سطحه له افغان کډوالو سره د تر ټولو لویو مرسته کوونکو هیوادونو څخه شمیرل کيږي، خو دغه هيواد اړمنو کسانو ته پناه نه ورکوي، چې دليل يې د سعودي عربستان د سياسي جوړښت او قوانينو له څرنګوالي سره تړاو لري.

1 comment

  1. حاجی نرخی Reply

    دیر شه کار شوی که مهاجر فه درانه شکل خفل وطن ته لار شی شه اقدام ده خو که نقدی روفی کورنی ته ورکرل شی دابه کامیابه فروسه وی

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

د استاد غضنفر څو خبرې | فیصل جلال

د استاد غضنفر څو خبرې | فیصل جلال

21 سپتمبر, 2020 کلتور taand No comments

د وږي په شلمه په علو…

راشه کنه مرم درپسې| عطاءالله ځواب

راشه کنه مرم درپسې| عطاءالله ځواب

20 سپتمبر, 2020 کلتور taand No comments

 د ښاغلي نور محمد لا…

دوه تازه چاپ شوي اثار

دوه تازه چاپ شوي اثار

20 سپتمبر, 2020 کلتور taand No comments

دوه اثار چې یو یې د …

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand Comments (1)

د وخت د بدنام لیکوال…