خواله رسنۍTwitterFacebookPinterestGoogle+

د پخلاینې د ملي شورا رييس د طالبانو پر حملې نرم غبرګون وښود

تاند ( سه شنبه ، د سرطان ۲۴) د مصالحې عالي شورا په داسې حال کې د تاوتریخوالي کمولو غوښتنه وکړه ، د دوشنبې په ورځ د سمنګان ملي امنیت ریاست پر ودانۍ د طالبانو برید یوځل بیا د افغانانو ترمنځ خبرو کې د ځنډ په اړه اندیښنې راپورته کړي.

د افغانستان د ملي مصالحې عالي شورا وايي چې دا ډول بریدونه د سولې له پرمختګ سره مرسته نه کوي.
د شورا ویاند فریدون خوځون د دوشنبې په ورځ وویل چې حکومت او طالبان دواړه باید سولې ته خپله ژمنتیا پوره کړي.
هغه وویل: “موږ دا برید غندو او له ښکېلو غاړو غواړو چې د تاوتریخوالي کمولو لپاره د افغانانو تر منځ د خبرو اترو لړۍ پیل کړي او خپلې کړې ژمنې پوره کړي چې دا به د افغانانو ترمنځ خبرو اترو ته لاره هواره کړي ، او یوه ژمنه یې د تاوتریخوالي کمول دي.”

د سمنګان ولایت ځايي چارواکو وايي چې څلورو برید کونکو د دوشنبې په ورځ د ایبک په ښار کې د ملي امنیت پر ریاست حمله وکړه چې لس امنیتي کارمندان یې ووژل او ۶۳ نور یې ټپیان کړل.

د سمنګان د عامې روغتیا رییس ویلي چې لس نظامي پرسونل او پاتې نور ملکي وګړي دي.
په ورته وخت کې ، ولسمشرۍ ماڼۍ هم د سمنګانو د دوشنبې ورځې برید په کلکه غندلی.

په اعلامیه کې د ولسمشرغني په حواله لیکل شوي چې طالبان د سولې په خبرو کې د امتیازاتو د تر لاسه کولو لپاره د تاوتریخوالي له زیاتولو او د بې ګناه وګړو د وژنې څخه کار اخلي.

بلخوا د افغانستان د سولې لپاره د امریکا ځانګړي استازي زلمي خلیلزاد په سمنګان ولایت کې د تېرې ورځې برید غندلی او له ټولو خواوو یې د تاوتریخوالي د کمښت غوښتنه کړې ده.

خليلزاد زیاته کړې، په وروستيو ورځو او اوونيو کې تاوتريخوالی زيات شوی او زيات شمېر افغانان د کوم دليل پرته وژل شوي دي.

د افغان سولې لپاره د امریکا ځانګړي استازي ویلي په سمنګان ولایت د طالبانو له لوري برید دا په ډاګه کوي چې هغوی تلپاتې اوربند او د افغانانو تر منځ د سولې د خبرو اترو لپاره ژمن نه دي او د خپلې وعدې خلاف عمل یې تر سره کړی.
په افغانستان کې د ناټو په مشرۍ د غوڅ ملاتړ ماموریت هم دغه برید غندلی او ویلي یې دي چې د ملکي وګړو مرګژوبله توجیه کېدلی نشي.

ناټو ویلي د طالبانو له لوري روان تاوتریخوالی د سولې لپاره رامنځته شوی فرصت له منځه وړي.

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand Comments (1)

د وخت د بدنام لیکوال…

دا ترانې | ګل رحمن رحماني

دا ترانې | ګل رحمن رحماني

16 سپتمبر, 2020 کلتور taand No comments

 ماشوم روزنه او پالن…

زما خټین تاج محل

زما خټین تاج محل"" اثر چاپ شو"

14 سپتمبر, 2020 کلتور taand No comments

سید اصغر هاشمي په…

د ژوند په تمه| لیمه وزیري 

د ژوند په تمه| لیمه وزیري 

11 سپتمبر, 2020 کلتور taand No comments

موږ د شپې د سولې او …