خواله رسنۍTwitterFacebookPinterestGoogle+

د هوا ککړتیا، له جګړې زیات د افغانانو ژوند ګواښي

تاند: پر چاپېریال ساتنې د څار سازمان وايي، د هوا ککړتیا افغانستان کې له جګړې زیات انسانان وژني.
په چاپېریال ساتنې د څار سازمان مشر عبدالعزیز حیدري په دې اړه کابل کې د هوا له ککړتیا سره د مبارزې په نوم جوړې شوې غونډې ته وویل، وروستیو کې د ټول هیواد د ښارونو هوا خورا ککړه شوې ده.
نوموړی وایي، د غیر معیاري سون توکو، سکرو، پلاستیکونو د سوځولو له کبله د ښارونو هوا ککړه شوې ده او تر جګړې زیات د افغانانو ژوند ګواښي: (( د هوا د ککړتیا اصلي قربانیان ښځې او ماشومان دي.))
دا په داسې حال کې ده چې کابل کې د ملګرو ملتونو د دفتر یوناما لخوا په ۲۰۱۷ کال کې خپرې شوې شمېرې ښيي، چې ۲۷ زره انسانان په کور دننه د هوا د ککړتیا له عواملو او۱۱ زره افغانان له کوره دباندې د ککړې هوا له کبله په اخته شویو ناروغیو مړه شوي دي.

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

اعلان