خواله رسنۍTwitterFacebookPinterestGoogle+

د ناټو سرمنشي: د طالبانو تشدد د سولې په پروسه کې اعتماد ته زیان اړوي

تاند (سې شنبه، د سرطان ۲۴) د ناټو سرمنشي ینس ستولتنبرګ خبرداری ورکړ چې د طالبانو له لوري د تاوتریخوالي زیاتېدا د سولې په پروسه کې اعتماد زیانمنوي.

ستولتنبرګ په سمنګان کې د افغانستان د ملي امنیت پر ریاست او ښاروالۍ د طالبانو له پروني (چهارشنبه) خونړي بریده وروسته نن په یوه ټویټ کې لیکلي: «د طالبانو د حملو له کبله په افغانستان کې د تاوتریخوالي د زیاتېدو کچه د سولې په پروسه کې اعتماد ته زیان اړوي. موږ په ټولو خواوو ږغ کوو چې ژر تر ژره بین الافغاني خبرې پیل کړي. د ناټو غړي او متحدان به د سولې د بهیر د ملاتړ لپاره زموږ د پوځي حضور په اړه سلامشورې ته دوام ورکړي.»

ناټو په عین حال کې یوه اعلامیه هم خپره کړېچې د طالبانو له لوري د تاوتریخوالي پر زیاتېدو یې پکې اندېښنه ښکاره کړې ده.

د سمنګان د والي عبداللطیف ابراهیمي په وینا د دغه ولایت د ملي امنیت پر ودانۍ د طالبانو په برید کې د یوې مېرمنې په ګډون د ملي امنیت ۱۱ تنه کارکوونکي وژل شوي او د ټپیانو شمېر ۶۳ تنو ته رسېدلی چې پکې درې ماشومان او اته مېرمنې شاملې دي.

وسله والو طالبانو د دې برید مسوولیت منلی او ادعا یې کړې چې تر ۷۰ زیات امنیتي ځواکونه یې وژلي دي.

د سمنګان حمله د ۴ ترهګرو په وژلو پای ته ورسېده

د افغانستان حکومت وايي چې طالبانو د قطر له موافقې وروسته تشدد ته زور ورکړی او تر بل هر وخت یې زیاته وینه بهیولې ده.

امریکا، چې د فبرورۍ په ۲۹ نېټه یې له طالبانو سره د سولې موافقه لاسلیک کړه، دا برید وغانده.

د افغانستان سولې لپاره د امریکا ځانګړي استازي زلمي خلیلزاد په ایبک ښار کې د طالبانو د حملې د غندلو په ترڅ کې ویلي چې دا حمله هغه کسان پیاوړي کوي چې د سولې مخالفت کوي او د سولې د دښمنانو په خوښه لوبېږي.

ښاغلی خلیلزاد ټینګار کوي چې امریکا به له طالبانو سره د سولې د موافقې له مخې خپل اقدامات په مشروط ډول ترسره کړي او د بندیانو د تبادلې د بهیر د بشپړولو، د تشدد د کمولو او د بین‌الافغاني خبرو د پیل لپاره به هڅو ته دوام ورکړي.

د امریکا تر ټولو معتبرو رسنیو د طالبانو له لوري د سمنګان پر حملې عکس العمل ښکاره کړی او اټکل یې کړی چې دا برید به د افغانستان د سولې پروسه له خنډ و ځنډ سر ه مخامخ کړي.

نیویارک ټایمز همداراز ویلي چې طالبانو حملو ته زور ورکړی او سږنی کال د افغانستان په نولس کلنه جګړه کې تر اوسه تر ټولو خونړی کال دی.

ورځپاڼه په عین حال کې وايي، د یوه ښار په منځ کې حمله د امریکا او طالبانو د قطر د موافقې سرغړونه ده چې پر اساس یې امریکا ژمنه کړې چې له افغانستانه به خپل ټول پوځیان باسي.

امریکايي رسنۍ: په سمنګان کې د طالبانو حمله د قطر د موافقې سرغړونه ده

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand Comments (1)

د وخت د بدنام لیکوال…

دا ترانې | ګل رحمن رحماني

دا ترانې | ګل رحمن رحماني

16 سپتمبر, 2020 کلتور taand No comments

 ماشوم روزنه او پالن…

زما خټین تاج محل

زما خټین تاج محل"" اثر چاپ شو"

14 سپتمبر, 2020 کلتور taand No comments

سید اصغر هاشمي په…

د ژوند په تمه| لیمه وزیري 

د ژوند په تمه| لیمه وزیري 

11 سپتمبر, 2020 کلتور taand No comments

موږ د شپې د سولې او …