خواله رسنۍTwitterFacebookPinterestGoogle+

د ماضي په اندېښنو کې|محمدمصطفی سمون

هر انسان د ماضي په اندېښنو کې پټ دی؛ نو
ځکه ژوند د ماضي له واګي سره تړلی شوی، بیا هر څه د ماضي په تله تلل کیږي، خپلې هیلې، اړتیاوې، غوښتنې او ننګونې مو په ماضي کې لاهو کړي. دا ځکه چې د حال ژوند د ماضي اړتیاوو په غرایزو کې اشباع کوو. عجیب استدلال کوو، حال او راتلونکې زمانه رانه هېره، کله د پاچا او کله د نیکونو په مېړانې خپل دروني غرایز اشباع کوو. انسان متحوله مخلوق دی، د ورځني ژوند له اړتیاوو او غوښتنو سره باید ځان عیار کړي؛ ترڅو د حال او راتلونکي لپاره د یو څه کولو او ترلاسه کولو هوډ یې په وجود کې په جوش راشي. موږ د حال سره ناجوړه، د راتلونکي دښمن او د ماضي ملګري یو، چې خپلې ټولې هیلې پکې روښانه وینو. دا اصلاً د ټولنیز چلن زېږنده دی، چې افراد یې د حال او راتلونکي سره حساس کړي؛ خو دې چلن ته بدلون ورکوونکي څوک کېدای شي؟ د دې پوښتنې اساسي برخه بېرته د همدې انساني فکر په چلن پورې اړه لري، چې ځان په ماضي کې بند نه کړي، بلکې د ټولنې له غوښتنو او راتلونکي په اړه یو متحوله فکر وکړي؛ ترڅو له حاله د ژوند په رڼا کې ګټه واخلي. انسان ټولنیز مخلوق دی، دی په شعوري یا ناشعوري توګه غواړي، چې د ټولنې سره ځان عیار کړي؛ خو دا عیارېدل یې باید د هېواد او ټولنې د خیر او ښېګڼې لپاره وي. موږ د هر څه په اړه غلی تصور لرو، چې څنګه د ټولنې د بدلون او نوي فکر لپاره کار وکړو؛ ترڅو د علم، منطق، استدلال او ورځني ژوند له چارو سره سم خپل دروني احساس برابر کړو؛ خپل ځان او نور د دې تفکر تر سیوري لاندې وروزو او ټولنه د حال له هر اړخیز تصور سره اشنا او راتلونکي سره وصل کړو. همدا کړنلاره د ژوند کولو تصور له ماضي څخه د حال او راتلونکي لپاره برابروي. موږ باید له ماضي زده کړه وکړو، د حال او راتلونکي ژوند شرایط د ماضي په اندېښنو کې لاهو نه کړو.

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand No comments

د وخت د بدنام لیکوال…

دا ترانې | ګل رحمن رحماني

دا ترانې | ګل رحمن رحماني

16 سپتمبر, 2020 کلتور taand No comments

 ماشوم روزنه او پالن…

زما خټین تاج محل

زما خټین تاج محل"" اثر چاپ شو"

14 سپتمبر, 2020 کلتور taand No comments

سید اصغر هاشمي په…

د ژوند په تمه| لیمه وزیري 

د ژوند په تمه| لیمه وزیري 

11 سپتمبر, 2020 کلتور taand No comments

موږ د شپې د سولې او …