خواله رسنۍTwitterFacebookPinterestGoogle+

د لویې څارنوالۍ ۳۱ کارکوونکي د فساد په تور نیول شوي دي

تاند (سه شنبه، د سرطان ۲۴) لویې څارنوالۍ اعلان وکړ چې د تېر یو نیم کال په بهیر کې د څارنوالۍ عمومي ریاست د رشوت او د فساد د نورو پېښو ۳۸ دوسیې مستندې کړي او عاملان یې تر عدلي او قضایي تعقیب لاندې دي. د دغو دوسیو په تړاو ۵۰ تنه دولتي کارمندان نیول شوي دي.

د لویې څارنوالۍ عمومي ریاست رئیس وايي چې ۲۸ دوسیې د تېر لمریز کال اړوند وې چې ۱۵ یې د رشوت اخیستو او ۱۴ نورې یې د اداري فساد مربوط دي.

د هغه په خبره ددغو دوسیو په تړاو ۳۹ تورن کسان نیول شوي چې ۲۴ تنه یې د لوی څارنوالۍ کارکوونکي دي.

لویې څارنوالۍ ویلي چې په غو کسانو کې څارنوالان او نور کارمندان یې شامل دي.

همدارنګه د روان کال په لومړیو درېوو میاشتو کې ۱۱ تنه د اداري فساد په تور نيول شوي دي. په دوی کې ۷ تنه یې رئیسان، څارنوالان او د څارنوالۍ کارکوونکي دي.

سږ کال کې د څارنوالۍ په عمومي ریاست کې ۱۰ دوسیې د اداري فساد اړوند تشکیل شوي دي.

د تورنو کسانو له ډلې یو یې د عامې روغتیا وزارت د مرکزي ګدام غړی دی چې د ۸۰ زره ډالرو رشوت په اخیستو نیول شوی وو.

د څارنوالۍ عمومي ریاست په ۱۳۹۱ کال کې د لوی څارنوالۍ په چوکاټ کې رامنځته شوی دی.

دې ریاست خلکو سره د همکارۍ او اداري فساد پر وړاندې د مبارزې لپاره د (۱۸۰) اړیکې شمېره رامنځته کړې ده.

د څارنوالۍ د عمومي ریاست رئیس وايي خلک کولی شي ددې شمېرې له لارې د مجرمینو په نيولو کې مرسته وکړي.

Leave a Reply