خواله رسنۍTwitterFacebookPinterestGoogle+

د شاه دوشمشیره جومات د ترمیم چارې له ۶۰ سلنې اوښتي

خبریاله: عاقله اسد (پنجشنبه، د سرطان ۱۹) د ښارجوړولو او ځمکو وزارت د تاریخي آبدو د ترمیم او مرمت ملي ادارې په کابل ښار کې د شاه دوشمشیره جومات د ترمیم او مرمت چارې ۶۲ سلنه بشپړې کړي دي.

یاد وزارت په یوه خبرپاڼه کې ویلي؛ دا تاریخي جومات، چې د کابل ښار په لومړۍ ناحیه کې موقعیت لري، په ۴۲۵ متر مربع ځمکه کې په دوه پوړونو د ۲۳ میلیونه او ۶۳۱ زره افغانیو په لګښت ترمیم کېږي.

د ښارجوړولو او ځمکو وزارت زیاته کړې چې د تاریخي آبداتو د ترمیم او مرمت ملي ادارې له لارې تر دې دمه په کابل کې د پل خشتي جومات، باغ بالا ماڼۍ، د ملي شورا د شهیدانو مقبره او د وزیر محمد اکبر خان غونډۍ د ملي بیرغ څلي لومړی فاز، په فیض آباد ښار کې د خرقه مبارکې جومات او د هرات جامع جومات لومړي فاز د مرمت او ترمیم چارې بشپړې کړې دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *