خواله رسنۍTwitterFacebookPinterestGoogle+

داسې لاسپوټوني چې د اشارو ژبه ژباړي

خبریاله: عاقله اسد(چهارشنبه، د سرطان ۱۸) د داسې دستکشو اختراع چې د ګرځنده تلیفون سره په وصلولو سره د اشارې ژبه ژباړي.

د UCLA موسسې څیړونکو داسې پرمختللي لاسپوټوني یا دستکشې جوړې کړي چې که د اشارې ژبه په سمارټ فون د متن یا وینا په بڼه ژباړي.

دغه سیسټم سمدلاسه کار کوي او د امریکایانو د اشارې ژبې ۶۶۰ نښې نژدې ۹۹ فیده دقیقې پېژندلی شي.

دغه دستکشې په هره ګوته کې د ټینس سینسرونه کاروي او دا سینسرونه د سرکټ بورډ سره وصل شوي.

سیګنالونه له لاسونو څخه سمارټ فون ته د بلوتوت له لارې لیږدول کیږي.

دا سیګنالونه چې د یوه اپلیکشن په وسیله په ځانګړي ډول ډیزاین شوي دي، په یوه دقیقه کې شااوخوا ۶۰ ټکي ترلاسه او تشریح کوي.

د دغو لاسپوټونو بیه تر ۵۰ ډالره لږه ده.

د دې محصول بشپړه چمتو کېدو ته لاهم اوږده لاره پاتې ده. د دې سیسټم د ښه فعالیت لپاره لا ډیرو حرکتونو او سمبولونو زده کړې او د هغې د ژباړې سرعت زیاتولو ته اړتیا ده چې کار پرې کیږي.

د دستکشې د ډیزاین ټیم هیله لري چې د دوی سیسټم به په آخر کې ډیرو خلکو ته د اشاري ژبې او ښوونې په موخه وکارول شي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *