خواله رسنۍTwitterFacebookPinterestGoogle+

جنرال مکینزي له ولسمشر غني سره د امریکا – افغانستان پر امنیتي مشارکت خبرې وکړې

تاند(سې شنبه، د سرطان۲۴) په منځني ختیځ کې د امریکايي ځواکونو مرکزي قوماندان جنرال کینټ مکینزي چې کابل ته راغلی، نن په ارګ کې له ولسمشر اشرف غني سره وکتل.

جنرال مکینزي، چې په افغانستان کې د مېشتو امریکايي پوځیانو په ګډون په ټوله سیمه کې پر امریکايي پوځیانو د څارنې دنده لري له ولسمشر غني سره د افغانستان د سولې پر پروسې، امنیتي وضعیت، د افغان امنیتي او دفاعي ځواکونو ملاتړ او د ګډ امنیتي مشارکت پر لا پیاوړتیا خبرې وکړې.

د امریکا د پوځ دا تر ټولو جګپوړی قوماندان په داسې ورځ افغانستان ته راغی چې د امریکا د پوځ له لوري په افغانستان کې د پنځو اډو د تشولو خبر خپور شو. دا په داسې حال کې ده چې جنرال مکینزي مخکې ویلي و چې د امریکا خلاق طالبانو د موافقې شرطونه نه دي په ځای کړي.

جنرال مکینزي: طالبانو له افغانستانه د امریکايي پوځیانو د وتلو شرطونه په ځای کړي نه دي

د ارګ له خبرپاڼې سره سم، په دې کتنه کې جنرال مکینزي وویل«د دې لپاره راغلی یم چې تاسو او د افغانستان خلکو ته ډاډ درکړم چې د افغانستان د سولې، پرمختګ او د امنیت د ټینګښت لپاره د امریکا متحدو ایالتونو ملاتړ او همکاري پرخپل ځای ده او موږ به ستاسو ترڅنګ واوسو، چې افغانستان بیا د ترهګرۍ لپاره په خوندي ځای بدل نه شي.»

د خبرپاڼې پر اساس، ولسمشر غني جنرال مکینزي ته د ښه راغلاست ترڅنګ د ګډ امنیتي مشارکت د پیاوړتیا له امله د هغه مننه وکړه او ویې ویل، سوله د افغانستان د خلکو له اساسي غوښتنو او د حکومت له مهمو لومړیتوبونو څخه ده او طالبان باید له جنګ او تاوتریخوالي لاس واخلي.

جنرال مکینزي په وروستیو ورځو کې د امریکا په کانګریس کې په افغانستان کې د امریکايي پوځیانو د وژلو لپاره طالبانو ته د روسیې پر انعام اندېښنه ښکاره کړه او ویې ویل چې له طالبانو سره د روسیې مرسته څه نوې خبره نه ده.

د امریکايي ځواکونو لوی قوماندان: روسیې له ډېرو کلونو راهیسې د طالبانو ملاتړ کوي

خپله تبصره ولیکئ

ستاسو برېښناليک به نه خپريږي. غوښتى ځایونه په نښه شوي *

کلتور

منټو (لنډې کیسې) چاپ شو| سیال یوسفي

منټو (لنډې کیسې) چاپ شو| سیال یوسفي

18 سپتمبر, 2020 کلتور taand Comments (1)

د وخت د بدنام لیکوال…

دا ترانې | ګل رحمن رحماني

دا ترانې | ګل رحمن رحماني

16 سپتمبر, 2020 کلتور taand No comments

 ماشوم روزنه او پالن…

زما خټین تاج محل

زما خټین تاج محل"" اثر چاپ شو"

14 سپتمبر, 2020 کلتور taand No comments

سید اصغر هاشمي په…

د ژوند په تمه| لیمه وزیري 

د ژوند په تمه| لیمه وزیري 

11 سپتمبر, 2020 کلتور taand No comments

موږ د شپې د سولې او …